web counter
LEXO PA REKLAMA!

SHKARKO APP

E fundit!

x

Ministri Drejtësisë Nasip Naço vizitë në Spanjë

18 Shkurt 2015, 11:58, Politikë CNA

Ministri i Drejtësisë, Nasip Naço ka zhvilluar një vizitë zyrtare në Spanjë në kuadër të intensifikimit dhe thellimit të bashkëpunimit në fusha me interes të përbashkët në sistemin e drejtësisë mes dy vendeve. Ministri u prit nga homologu i tij, Ministri i Drejtësisë në Spanjë,Rafael Catalá.

Në takimin e zhvilluar u diskutuan ndër të tjera reformat legjislative në sistemin e drejtësisë në të dyja vendet dhe bashkëpunimi në çështjet e marrëdhënieve juridiksionale ndërkombëtare në fushën civile dhe penale. Ministri Naço vlerësoi ndihmën e dhënë dhe shprehu vullnetin e Qeverisë Shqiptare për të marrë nga Spanja eksperiencën më të mirë në lidhje me reformën në sistemin e drejtësisë.

Në vijim, Ministri Naço është takuar edhe me Presidentin e Audiencës Nacionale (Gjykatës Kombëtare), José Ramón Navarro, ku diskutuan mbi procesin e dixhitalizimit dhe implementimit në Audiencën Nacionale të sistemeve të reja elektronike në sistemin gjyqësor, sikurse dosja elektronike gjyqësore.

 





Lajmet e fundit nga