web counter
LEXO PA REKLAMA!

SHKARKO APP

App Store
Google Play

E fundit!

x

Menduh Thaçi takon kreun e Kuvendit, Meta

17 Shkurt 2015, 15:41, Politikë CNA

Kryetari i Partisë Demokratike Shqiptare në Maqedoni, Menduh Thaçi gjatë vizitës së tij në Tiranë, u prit në takim nga kryeparlamentari Ilir Meta dhe Presidenti Bujar Nishani.
Gjatë takimit me Kreun e Shtetit u diskutua për çështjet aktuale politike në Maqedoni dhe Shqipëri, si dhe për proceset integruese rajonale.
Thaçi shprehu shqetësimet e Partisë Demokratike Shqiptare për bllokimin e procesit integrues të Maqedonisë dhe të realizimit e të drejtave kolektive të shqiptarëve, pa të cilat tha ai nuk garantohet mbijetesa e Maqedonisë.

Ndërkohë gjatë takimit me kryeparlamentarin Meta u diskutua për çështje aktuale politike, për rëndësinë e integrimeve euro-atlantike të vendit dhe rajonit, për shqetësimet e shqiptarëve të Maqedonisë, si dhe tema të tjera politike.

Në një dalje për mediat pas takimit Meta vlerësoi angazhimet e zotit Thaçi.
?Besoj se këto takime janë gjithmonë të dobishme për të ndjekur në mënyrë hap pas hapi, por njëkohësisht edhe tregojnë se marrëdhëniet midis Kuvendit të Shqipërisë dhe faktorit të rëndësishëm parlamentar në rajon dhe konkretisht në Maqedoni janë gjithnjë dinamike?, tha ai.

Nga ana e tij Thaçi deklaroi se për shqiptarët e Maqedonisë është tejet e rëndësishme që të jenë mirë të informuar për situatat rajonale dhe ndërkombëtare, që të mos bëhet ndonjë gabim nga mungesa e informacioneve.





Lajmet e fundit nga