web counter
LEXO PA REKLAMA!

SHKARKO APP

App Store
Google Play

E fundit!

x

Nënkomisioni për Qeverisjen Vendore/ Seancë dëgjimore për reformën territoriale

16 Shkurt 2015, 19:20, Politikë CNA

Nënkomisioni për Qeverisjen Vendore ka zhvilluar ditën e sotme një seancë dëgjimore me përfaqësues të grupeve të interesit për shqyrtimin e projektligjit ?Për disa ndryshime dhe shtesa në ligjin nr.8652, datë 31.7.2000, ?Për organizimin dhe funksionimin e qeverisjes vendore?, të ndryshuar?.

Të pranishëm në seancën dëgjimore, përfaqësues të Shoqatave të Bashkive dhe Komunave të Shqipërisë, si dhe përfaqësues të qarqeve kanë shprehur rezervat e tyre lidhur me projektligjin ?Për organizimin dhe funksionimin e qeverisjes vendore?.

Në vërejtjet e tyre, përfaqësuesit e njësive vendore theksuan tre linja kryesore. E para lidhet me mënyrën e formimit të Këshillave të Qarkut, e dyta, lidhur me konsultimet me pushtetin qendror dhe e treta, problemi që lidhet me përzgjedhjen e administratorit. Problem ky, që sipas grupeve të interesit lidhet direkt me strukturën e re të Bashkive dhe administratorëve të saj, pasi nuk do të ketë më komuna.

Artan Shkëmbi, Kryetari i Bashkisë së Pogradecit, si edhe kryetari i Shoqatës për Autonominë Vendore, duke vlerësuar se reforma territoriale ishte thelbësore për përmirësimin e shërbimeve ndaj qytetarit, nënvizoi se Neni 5 ka nevojë për sqarime.

Deputeti i Partisë Demokratike, Arben Ristani duke rreshtuar problematikat e parashtruara nga përfaqësuesit e njësive vendore, u shpreh se ky projektligj, por dhe reforma territoriale në tërësi, nuk është hartuar për të zgjidhur problematikën e qytetarëve dhe të zgjedhurve vendor.

Nga krahu tjetër, Kryetari i Nënkomisionit të Qeverisjen Vendore, Bashkim Fino u shpreh se për reformën territoriale opozita kishte të gjithë lirin e mundshme për të bërë propozimet e saj dhe nuk u paraqit asnjë ditë në komisionin e ngritur për atë punë.





Lajmet e fundit nga