E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Ilir Meta-Ramës : Na quajte të cmendur por ne ishim vizionarë

15 Janar 2015, 12:25, Politikë CNA

Forumi Eurosocialist Shqiptar ka shënuar sot 23-vjetorin e krijimit të tij.

Të pranishëm kanë qenë edhe kryeparlamentari Ilir Meta, një prej themeluesve të FRESSH, si dhe kryeministri Edi Rama.

Gjatë fjalimit të tij, Meta ka ironizuar me Ramën, duke thënë se 23 vjet më parë ai i ka quajtur të çmendur.

?Ishte koha kur e djathta ishte në një revansh dhe efori të jashtëzakonshme në trendin e saj, por koha tregoi se themeluesit e FRESSH nuk ishin të çmendur, por të guximshëm dhe vizionare, sepse për pak muaj, situata politike ndryshoi në mënyrë esenciale dhe vitet kaluan dhe Partia Socialiste u rigjinerua dhe u bë një alternativë e së ardhmes dhe Forumi i Rinisë Socialiste qe dha kontributin e vet pati një meritë historike, krijoi një alternativë të së ardhmes me bindje, pasion e idealizëm dhe ishte fat, jo vetëm për PS-në, por dhe Shqipërinë.

Rinia Socialiste dha kontribut të jashtëzakonshëm për të frenuar instalimin e një regjimi diktatorial në emër të gjoja antikomunizmit.

Ishte një kohë tjetër kur eurosocialistët dhunoheshin dhe burgoseshin, por ata luftuan dhe ia dolën për Shqipërinë. 23 vjet më parë në këtë sallë kishte dhe të rinjë nga Kosova, të cilët ishin themelues të FRESSH të Shqipërisë.

Ishte një rast i rralle i FRESSH ai i Haki Morines, i burgosuar nga regjimi i Milloshevicit, të fliste dhe të jepte besim në këtë salle, kur në atë kohë akuzohej nga e djathta se kishte shitur Kosovën dhe interesat kombëtare.

Koha është për ata që guxojnë dhe shohin lartë. Vetëm gjashtë vjetë më pas, ky kosovar do bashkohej me UCK-ne dhe Shqipëria drejtohej nga eurosocialisti Pandeli Majko.

Kam frikë që Rama para 23 vjetësh na mori për të çmendur. i uroj suksese në punën e tij për të krijuar një perspektivë më të mirë për të gjithë të rinjtë e Shqipërisë?, tha Meta.

Kreu i Kuvendit solli në vëmendje një fakt të rëndësishëm historik, duke pohuar se ?në të gjithë vendet ish- komuniste u krijuan rinitë komuniste, ndërsa në Shqipëri u krijua një rini socialiste që nuk kishte lidhje me rininë komuniste, por me të rinjë që ishin aktive ne lëvizjen e dhjetorit në rrëzimin e diktaturës. Kjo lëvizje solli tolerancën dhe bashkëpunimin dhe ne e kemi konsideruar oponencë brenda PS-së?.

Pas tij ka qenë i menjëhershëm reagimi i Ramës, që mori fjalën:

?Meqë kryetari më solli mbrapa 23 vjet dhe unë nuk kam qenë anëtar i FRESSH, është e vërtetë që në atë kohë kur formuan FRESSH mu dukën të çmendur, por është e vërtetë që në atë kohë edhe këta edhe ata më merrnin për të çmendur.

E rëndësishme është që të më çmendurit e gjetën njeri tjetrin dhe Shqipëria e ndërroi faqen e vet duke shpëtuar nga të çmendurit e vërtetë dhe jo nga ne?, u përgjigj Rama.

Ai ndërkohë, ka bërë batuta edhe në lidhje me pagesat për energjinë elektrike.

?I keni paguar dritat apo? Se më tha Sajmir Tahiri po sikur ti kontrollojmë faturat e energjisë kur të hyjnë. Kjo u konsiderua e tepërt për momentin, por me dritat kujdes?, tha Rama.

?Jam krenar se në pjesën e parë të qeverisje e shfrytëzuam tërësisht mundësinë për t?i shërbyer vendin, por edhe vendi e kritikoi qeverisjen.

Për ne shkulja e hijes së frikës, fundi i dhunës politike, asgjësimi i presionit të politikës dhe partive. Kjo besoj se është ajo çfarë ka ndodhur pas 23 qershorit.

Këto do të jenë zgjedhjet e para që asnjë rrogëtar i shtetit nuk do detyrohet të marrë pjesë në miting. Asnjë shkollë në republikë nuk do të lërë asnjë orë mësimi për ët mbushur sheshte elektorale. Së bashku fituam betejën e 23 qershorit?, theksoi Rama.

Më tej, ai u ndal edhe te zgjedhjet e ardhshme lokale duke theksuar se do të respektohet kuota 50% për 50% gra e vajza dhe burra dhe djem në Këshillat e rinj ashkiak.

?Kemi detyrën jo të fitojmë zgjedhjet e ardhshme, por të rilindimin ndjenjën e disiplinën komunitare. Zgjedhjet jo me kundërshtzarin që e mundëm dhe do e mundim sërish në 2017, por janë për stacionin e radhës për detyrën tonë.

Nuk do i kthejmë në një betejë politike, por do zgjerojmë shpresën. Kemi krijuar premisën pas rënies së qindra gardheve, që ishin pengje të fisit më të madh apo të fshatit më të madh.

Do jenë mjeti për të ndërtuar një politikë të re për 61 bashkitë e Shqipërisë për komunitetin.

PS dhe LSI do mbështesim së bashku kandidatët, por do të jeni ju të rinjtë, së bashku me prindërit dhe fqinjët në komunitetët tuaj.

Do të zgjedhim një model të ri qeverisjeje, një rrugë të re për çdo bashki të re?, tha Rama.

Kryeministri u ndal edhe në luftën kundër korrupsionit, duke kërkuar bashkëpunimin e njerëzve për shembur në çdo fushë korrupsionin, përmendi edhe formimin e platformës online për denoncimet

?Reformat tona po godasin pjesë-pjesë korrupsionin. Ne nuk kemi një shkop magjik. Nëse njerëzit nuk përfshinë në luftën kundër korrupsionit ne nuk mund ta godasim me gjithë forcën.

Për këtë do të shërbejë platforma online, që do ketë një fushë ndërveprimi kundër të paudhëve që u ndërpresin rrugën njerëzve kur kërkojnë një shërbim?, u shpreh Kreu i Qeverisë.