E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Kushtetuesja: Qeveria vodhi kompetencat e presidentit

2 Dhjetor 2014, 23:00, Politikë CNA

Gjykata Kushtetuese ka rrëzuar me kërkesë të presidentit Bujar Nishani pesë pika të ligjit për Pushtetet dhe Autoritetet e Drejtimit të Forcave të Armatosura. Në vendimin e publikuar sot në faqen zyrtare në internet gjykata i ka hequr kompetencën, e marrë me ligj kryeministrit për të liruar gjeneralët e ushtrisë.

Konkretisht në nenin 12 të këtij ligj parashikoheshin dy kompetenca që më parë i kishte Presidenti, por me votat e shumicës në muajin qershor iu dhanë kryeministrit. ?Kryeministri ka këto detyra dhe përgjegjësi: ç) nxjerr në rezervë ose lirim, me propozimin e Ministrit të Mbrojtjes, oficerët me grada madhore, me përjashtim të Shefit të Shtabit të Përgjithshëm të Forcave të Armatosura; d) miraton, me propozimin e Ministrit të Mbrojtjes, planin e vendosjes dhe përhapjes së Forcave të Armatosura në kohë paqeje?, thuhet në dy dispozitat e rrëzuara tashmë nga Gjykata.

Në të njëjtën kohë Kushtetuesja ka rrëzuar dy pikë të këtij ligji që kanë të bëjnë me drejtimin e Forcave të Armatosura në gjendje të jashtëzakonshme apo në gjendje të fatkeqësisë natyrore. ?Gjatë gjendjes së jashtëzakonshme Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit. Gjatë gjendjes së fatkeqësisë natyrore Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit?, thuhet në këto dy dispozita të rrëzuara tashmë nga gjykata e që për rrjedhim i kalojnë si kompetencë Presidentit.

Gjithashtu Kushtetuesja ka rrëzuar një pjesë të një fjalie në nenin 9 të ligjit sipas të cilës në kohë luftë Presidenti i drejton Forcat e Armatosura nëpërmjet Komandantit të Forcave të Armatosura që është Shefi i Shtabit.

Pikat e shfuqizuara

Neni 12

Kryeministri ka këto detyra dhe përgjegjësi:

ç) nxjerr në rezervë ose lirim, me propozimin e Ministrit të Mbrojtjes, oficerët me grada madhore, me përjashtim të Shefit të Shtabit të Përgjithshëm të Forcave të Armatosura;

d) miraton, me propozimin e Ministrit të Mbrojtjes, planin e vendosjes dhe përhapjes së Forcave të Armatosura në kohë paqeje;

Neni 22 pika 3

Gjatë gjendjes së jashtëzakonshme Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit.

Neni 23 pika 3

Gjatë gjendjes së fatkeqësisë natyrore Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit.