web counter
LEXO PA REKLAMA!

SHKARKO APP

E fundit!

x

Bushati, Tahiri, Gjermeni dhe Nikolla paraqesin strukturën e re, ja institucionet dhe drejtoritë që do riorganizohen

18 Shkurt 2015, 07:10, Politikë CNA

Një plan i kryeministrit Edi Rama, që ka nisur të zbatohet edhe si detyrim ndaj pesë kushteve të Brukselit, parashikon shkurtimin e administratës publike me 40 përqind. Disa muaj më parë, kryeministri Edi Rama ka lëshuar një urdhër për ministritë e linjës, Departamentin e Administratës Publike, drejtoritë kryesore, agjencitë e mëdha dhe deputetët e Partisë Socialiste, për ristrukturimin e institucioneve në varësi të qeverisë. Ndërkaq, në muajin e dytë të vitit 2015, disa nga ministritë i kanë përgatitur tashmë strukturat e reja të ministrive dhe të drejtorive në varësi.

Strukturat e reja parashikojnë ndërtimin e një administrate më të vogël, efiçente, me detyra dhe kompetenca të qarta, profesionale dhe llogaridhënëse. I pari ministër që ka përgatitur strukturën e re është ministri i Punëve të Jashtme, Ditmir Bushati. Ndërkaq, edhe ministrja e Zhvillimit Urban dhe Turizmit, Eglantina Gjermeni ka përgatitur një plan për strukturën e re të ministrisë që drejton. Konkretisht, Gjermeni ka hartuar strukturën e re të Agjencisë Kombëtare të Turizmit. Një reformë radikale është parashikuar edhe në institucionet arsimore dhe ato sportive. Ministrja e Arsimit, Lindita Nikolla, ka përgatitur disa akte, nisma, rregullore dhe struktura që priten të miratohen.





Lajmet e fundit nga