web counter
LEXO PA REKLAMA!

SHKARKO APP

App Store
Google Play

Pogradec/ Rama e Tahiri përurojnë Zyrën e Shërbimit Unik

30 Janar 2015, 16:40, Aktualitet CNA

Kryeministri Edi Rama dhe Ministri i Brendshëm Saimir Tahiri përuruan Zyrën e Shërbimit Unik për qytetarët në Pogradec

Ministri Tahiri u shpreh se Zyra e Shërbimit Unik garanton një shërbim cilësor ndaj qytetarëve, por edhe eliminon praktikat abuzimeve dhe korruptive të punonjësve të policisë. Viti 2015, tha ai, është viti i modernizimit teknologjik, modernizimit infrastrukturor, por edhe i ndryshimit të mentalitetit të punonjësve të Policisë së Shtetit në shërbimin ndaj qytetarëve.

?Zyrat e shërbimit qytetar janë një prioritet yni për të garantuar shërbime cilësore ndaj qytetarëve. Kjo nuk është e vetmja, gjatë vitit 2014 kemi hapur një sërë zyrash të tilla në disa qytete të Shqipërisë, por ne do të vijojmë me modernizimin teknologjik, me modernizimin infrastrukturor dhe me modernizimin e shërbimeve të Policisë së Shtetit ndaj qytetarëve, si e vetmja rrugë për të dhënë shërbime cilësore ndaj qytetarëve, por edhe për të luftuar bashkë korrupsionin brenda policisë së shtetit dhe kriminalitetin e paligjshmërinë në tërësi,? tha ministri.

Shërbimi cilësor ndaj qytetarëve, nënvizoi Tahiri, është e vetmja rrugë për të rritur besimin e qytetarëve tek Policia e Shtetit.

Zyra e përuruar përmbledh në një sportel të vetëm të gjitha shërbimet që policia e Shtetit u ofron qytetarëve.





Lajmet e fundit nga