web counter
LEXO PA REKLAMA!

SHKARKO APP

Forumi i Davosit/ Rreziku vjen nga gjeopolitika, ekonomia në plan të dytë të axhendës

21 Janar 2015, 11:02, Aktualitet CNA

Rreziqet që vijnë nga konfliktet globale janë në krye të axhendës së Forumit Botëror Ekonomik në Davos, i cili nis sot kur politikanët dhe liderë të industrisë takohen në Zvicër.
Në ndryshim nga vitet e kaluara kur në qendër të diskutimeve ka qenë ekonomia, tashmë janë shqetësimet gjeopolitike që përbëjnë vatrën e nxehtë në Forum. Aty pritet të marrin pjesë përfaqësues nga më shumë se 140 vende të botës.

Pothuajse 900 ekspertë identifikuan konfliktet e pazgjidhura në botë si rrezikun madhor që ndikon në jetën e njerëzimit.
Konfliktet në Ukrainë dhe në Lindjen e Mesme veçohen si tepër shqetësuese.
Kërcënimet që vijnë nga ndotja, shkurtimi i rezervave ujore dhe përhapja e sëmundjeve infektive, gjithashtu janë lart në raportin e përvitshëm ?Rreziqet Globale?, të Forumit Ekonomik.
Në një paraqitje përpara shtypit, Forumi thekson se më shumë se 25 vjet nga rënia e Murit të Berlinit, konfliktet ndërshtetërore dhe reliket e Luftës së Ftohtë, janë tashmë rreziqet më të mëdha për stabilitetin botëror.





Lajmet e fundit nga