web counter
LEXO PA REKLAMA!

SHKARKO APP

App Store
Google Play

Fjalimi vjetor, Obama: Kriza financiare kaloi, tani të punojmë për uljen e pabarazisë

21 Janar 2015, 08:21, Aktualitet CNA

Presidenti amerikan ka deklaruar fundin e krizës financiare dhe u zotua për politika ekonomike nga të cilat të përfitojnë të gjithë amerikanët, në fjalimin e tij të përvitshëm mbi gjendjen e shtetit.
Fjalimi i dizenjuar për të tërhequr familjet punonjëse, paraqiti edhe strategjinë e Obamës për të ardhmen ekonomike të klasës së mesme.
?Tani është koha të zgjedhim se kush duam të jemi pas 15 vjetësh?, tha ai. Por planet e presidentit kanë pak gjasa të miratohen në Kongresin e kontrolluar nga republikanët.

Obama e përshkroi fjalimin e vet si më të foksuuar tek vlerat sesa politikat, e deklaroi se Amerika e ka kthyer faqen pas recesionit më të ashpër që nga koha e Depresionit.

Presidenti shtoi se planifikon të bazohet mbi rritjen ekonomike duke bërë të mundur që familjet punonjëse të ndihmohen me shërbime të përballueshme.

?A do të pranojmë ne një ekonomi ku vetëm pak nga ne t?i dalim shumë mirë, apo do të angazhohemi për një ekonomi që gjeneron të ardhura në rritje dhe shanse për të gjithë ata që përpiqen?, tha Obama.
Ai foli është për barazimin e të ardhurave ku u zotua të mbyllë hendekun në pagimin e taksave për trashëgimitë e mëdha, të rrisë taksën mbi fitimin për kapitalin mbi më të pasurit nga 23.8 për qind në 28 për qind dhe të vendosë tarifa të reja mbi firmat financiare amerikane që kanë asete deri në 50 miliardë dollarë.
Republikanët, gjithsesi i hodhën poshtë këto propozime duke i cilësuar si çështje klasash.
Në politikën e Jashtme, Obama tha se Amerika rezervon të drejtën për të vepruar në mënyrë të njëanshme në gjetjen e terroristëve dhe i bëri apel kongresit të miratojë një rezolutë për autorizimin e forcës kundër Shtetit Islamik.
Në mbyllje Obama shtoi se do të punonte me Kongresin, pavarësisht muajve të tërë ngërçi politik.





Lajmet e fundit nga