Miqësia ndikon pozitivisht tek ne

21 Janar 2015, 07:29, Aktualitet CNA

Sociologët dhe grupet shoqërore janë shprehur se miqësia është një nga marrëdhëniet më pak të studiuara dhe analizuara. Dalëngadalë ky fakt po ndryshon dhe kërkuesit po interesohen më shumë për miqësinë. Që të kuptojmë se miqësia nuk është thjesht diçka që lind pa shkak, por është një marrëdhënie nga e cila varen shumë rrethana të tjera.

Kërkuesit, në një studim mbi miqësinë, vendosën t?i japin përgjigje pyetjes se për çfarë shërben miqësia. Shumë nga ne mendojnë se miqtë, të paktën ata të mirët, na bëjnë të kemi më shumë besim dhe na rrisin vetëvlerësimin.

Kërkuesit vendosën ta vërtetojnë këtë duke marrë një grup të caktuar individësh dhe duke i vendosur ata përballë një kodre të madhe. Grupi një herë u shfaq i vetëm dhe herën tjetër pranë çdo personi që ishte miku i tij më i mirë. U zbulua se kur iu kërkua të vlerësonin se sa metra mund t?u duheshin për të arritur në majë të kodrës, personat që ishin vetëm, dhanë një shifër më të lartë sesa personat që kishin pranë miqtë, të cilët e vlerësonin largësinë më të vogël.

Ekspertët i kanë vendosur individët në një tjetër variant, të gjithë pjesëmarrësve iu kërkua që të qëndronin të vetëm përpara kodrës. Disave iu kërkua të sillnin në mendje miqtë e tyre më të mirë, disa të tjerëve jo. Kërkuesit vunë re se personat që sollën në mendje miqtë e tyre, menduan se largësia ishte më e shkurtër, ndërsa ata që nuk kishin menduar për miqtë e tyre, e vlerësuan të madhe.

Në disa studime, pjesëmarrësit dhanë një test me shkrim gjatë të cilit disa menduan për marrëdhëniet e tyre shoqërore të mira, disa për ato marrëdhënie shoqërore që nuk po u shkonin mirë, ndërsa të tjerë menduan për marrëdhëniet normale shoqërore. Pastaj të gjithëve iu tha se përfundimet e tyre në test nuk ishin shumë të mira. Doli se njerëzit që menduan për miqtë e tyre të mirë, ishin më të hapur për të përmirësuar mangësitë, të cilat i kishin bërë të merrnin përfundim jo të mirë.

Të pasurit një mik të rëndësishëm, na bën të mendojmë pozitivisht për veten, sepse ajo që ne vlerësojmë te miqtë tanë, na ndihmon të plotësojmë mangësitë tona.