web counter
LEXO PA REKLAMA!

SHKARKO APP

E fundit!

x

Kerry në Francë, kërkon ndjesë për mungesën në marshimin e Parisit

16 Janar 2015, 09:32, Aktualitet CNA

Sekretari amerikan i Shtetti, John Kerry mbërriti në Paris për të nderuar të vrarët e sulmeve dhe për të dhënë mbështetje për Qeverinë franceze. Në një takim të përzemërt me presidentin Hollande, media njoftoi se Kerry ka thënë se ndan me të ?dhimbjen e tmerrin e gjithçkaje që ju përjetuat?.
?Ne duhet të punojmë së bashku për të gjetur përgjigjen e duhur?, shtoi Kerry. Ai vendosi kurora me lule në supermarketin hebraik në Paris dhe në zyrat e Charlie Hebdo.
Media amerikane e ka kritikuar Qeverinë amerikane se nuk dërgoi përfaqësues të nivelit të lartë në marshimin e unitetit të dielën e kaluar, marsh ku morën pjesë mbi 40 liderë botërorë. Në marshim mori pjesë ambasadorja amerikane në Paris. Ministri i Jashtëm francez tha se Kerry ka kërkuar ndjesë që nuk mundi të ishte i pranishëm në marshimin e Unitetit, raportoi AFP. Kerry tha se nuk ishte e mundur për shkak se po vizitonte në atë kohë Bullgarinë dhe Indinë.





Lajmet e fundit nga