E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Lista me 21 drejtuesit e akuzuar nga PD/ Emrat dhe akuzat

15 Janar 2015, 20:53, Aktualitet CNA

Portali ekspres.al publikon listen e personave te denoncuar publikisht nga PD si persona te lidhur me krimin, te denuar per vepra te ndryshme penale, te akuzuar per korrupsion te cilet sipas opozites jane emeruar ne detyra te rendesishme publike.

1. Enrik Sulejmani – Emëruar drejtor i Përgjithshëm i Policisë së Burgjeve, i arrestuar me akuzën e trafikimit të qenieve njerëzore kur ushtronte detyrën e kryepolicit të Rinasit, rojtari që qytetarët i kishin besuar portën, e përdori atë për trafik ndërkombëtar të qenieve njerëzore, duke i vënë një njollë të madhe policisë shqiptare në të gjitha mediat ndërkombëtare dhe duke e futur Shqipërinë në listat e zeza të trafikut.
2. Skerdilajd Dalipi – Emëruar në zyrën e Avokatit të Shtetit për Durrësin, i dënuar për korrupsion me 6 muaj burg nga Gjykata e Kavajës.
3. Sadri Danaj – Emëruar në krye të Këshillit të Qarkut Vlorë, i dënuar në Itali për rrëmbim personi.
4. Klodian Durmishi ? Emëruar përgjegjës i verifikimit në terren, pranë Drejtorisë së Përgjithshme të Tatimeve, i akuzuar nga Prokuroria për vjedhje të kryer në shpërdorim detyre, aktualisht në proces gjyqësor pranë Gjykatës së Krujës.
5. Gehart Gjashta – Emëruar në krye të shërbimeve dhe personelit pranë Prefekturës së Tiranës, i dënuar me 10 vite burg për mbajtje dhe trafik droge në Greqi.
6. Alket Qendro – Emëruar drejtor i Tatimeve Sarandë, i akuzuar për vjedhjen e spitalit anglez dhe i dënuar nga gjykata në vitin 2000.
7. Klemend Balili – Emëruar drejtor Rajonal i Transportit të Sarandës, i arrestuar më 2006 me 750 kilogramë kanabis pas një superaksioni të policisë.
8. Myqerem Xhaferri – Emëruar në krye të Drejtorisë Rajonale të Transportit në Berat, i dënuar për korrupsion dhe shpërdorim detyre me 8 muaj burg dhe 200 mijë lekë gjobë.
9. Roni Shqopa – Emëruar drejtor i Shtëpisë së Pushimit të Ministrisë së Brendshme ose siç njihet ndryshe Kavalishenca e Durrësit, i pandehur nga drejtësia për shpërdorim detyre dhe aktualisht është nën proces gjyqësor.
10. Enertin Dheskali ? Emëruar mësues pranë gjimnazit ?Naim Frashëri? në Fier, i dënuar nga Gjykata e Vlorës me dy vite burg për korrupsion.
11. Anxhela Taho – Emëruar në krye të Kualifikimit Profesional kryetarja e FRESSH-it, e cila është e përfshirë në hetimet e Prokurorisë si organizatorja e blerjes së votave për zgjedhjet lokale në Korçë, e kapur në flagrancë me zë e me figurë.
12. Arsen Selimi – Emëruar drejtor i Shërbimit Pyjor në Korçë, ndaj të cilit një gjykatë në Amerikë ka vendosur t?i refuzojë qëndrimin atje dhe ta kthejë në Shqipëri me akuzën e dhunës në familje dhe të mashtrimit.
13. Ukë Camaj – Emëruar nëndrejtor Ekonomik në Spitalin Rajonal të Tropojës, i dënuar nga gjykata me 1 milion lekë gjobë, për falsifikim dokumentesh shkollorë.
14. Plator Mehmeti ? Emëruar kryeinxhinier në CEZ, i dënuar nga Gjykata e Durrësit me 10 muaj e 15 ditë burgim e 267 mijë lekë gjobë, për shpërdorim detyre dhe shkelje të pabarazisë në tendera.
15. Florenc Tabaku – Emëruar drejtues i Zyrës së Punës Korçë, i dënuar nga Gjykata e Korçës me 6 muaj burg dhe 250 mijë lekë gjobë për falsifikim dokumentesh.
16. Plator Mehmeti ? Emëruar drejtues i CEZ Durrës, i dënuar në vitin 2008 për shpërdorim detyre, sipas auditit të kohës, i shkaktoi shtetit 3 milionë euro dëme.
17. Fisnik Myrtezaj – Emëruar në krye të shërbimeve të portit më të madh në vend, i dënuar më 2011 me 3 vite e gjysmë burg për prodhim dhe shitje të lëndëve narkotike.
18. Agron Beu – Emëruar drejtues i Spitalit Rajonal të Kavajës, arrestuar nga policia në vitin 2009 për kontrabandë ilaçesh.
19. Saimir Kurti – I shpallur në kërkim ndërkombëtar për kontrabandë nga Prokuroria dy vite më parë, me akuzën e kontrabandës, është gjetur nga Edi Rama dhe është emëruar menjëherë drejtor i Zyrës së Punësimit në Kavajë.
20. Aleksandër Kalemaj – I arrestuar më parë për prodhim dhe shitje të ushqimeve të rrezikshme për shëndetin është emëruar drejtues i Autoritetit Kombëtar të Ushqimit.
21. Idajet Buzi – Emëruar në krye të Task Forcës së CEZ-it në kryeqytet, i dënuar në vitin 2009 nga Gjykata e Durrësit për shpërdorim detyre.