web counter
LEXO PA REKLAMA!

SHKARKO APP

E fundit!

x

Nëse pini verë…

8 Janar 2015, 12:00, Aktualitet CNA

Prej disa vitesh vera është cilësuar si një pije e shëndetshme, e cila sjell shumë dobi, si në mbrojtjen e zemrës, ashtu edhe në qetësimin e nervave. Ndërkohë, shkencëtarët kanë ardhur edhe në disa përfundime të tjera për verën e kuqe, sipas të cilave, ajo mund të shërbejë edhe për mbrojtjen e shqisës së dëgjimit. Arsyeja e kësaj thuhet të jetë resveratroli, që gjendet në rrush dhe në verën e kuqe.

Kryesuesi i këtij hulumtimi, dr. Majkëll Seidmën tha se studimi ishte përqendruar në resveratrolin dhe ndikimet e tij në trupin e njeriut pas lëndimeve, që lidhen me sëmundjen e Alzheimerit, kancerit, plakjes dhe humbjes së dëgjimit. Studimi është bërë në ?Henry Ford Hospital? në Detroit, ku pacientët, që merrnin resveratrol, ishin më të mbrojtur nga zhurma për një periudhë të gjatë kohore në dallim nga pacientët e tjerë. Resveratroli ndihmon pozitivisht edhe në mbrojtjen nga kanceri dhe sëmundjet e zemrës.

Nga humbja e dëgjimit vuajnë gjysma e njerëzve në botë mbi moshën 60-vjeçare, por shumë prej tyre këtë problem fillojnë ta ndiejnë në moshën 40 apo 50-vjeçare, prandaj kjo është një arsye e fortë për të pirë verë.





Lajmet e fundit nga