E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

HABERT E MITROS/ GANCMIME SEKSUALE NË USHTRI"?!

8 Janar 2015, 11:39, Aktualitet CNA

Nga Mitro CELA

Ngacmime seksuale në ushtri? Kur e dëgjova haberin për herë të parë, sa nuk më ra damllaja?! Të ndodhin këto bëmë-të ëmbla kur janë sekret-të hidhura-publike, në ushtrinë tonë të lavdishme me rrënjë tëk lufta dhe kokë në Nato?!
Çfarë ka ngjarë? Oficerët duke qënë të lodhur nga stërvitjet, per relaks, gancmojnë seksualisht. Fantazi? Publiku nuk ka pasur kurrë habere te tilla. Udhëheqja e ushtrisë ka pasur informacion. Nuk janë dënuar gacmuesit, sepse nuk ka pasur ligj ku të mbështeten masat. Prandaj oficerët kanë livadhisur, pa u hyrë gjëmb në këmbë.
Për të mos lejuar këtë turp për ushtrinë tonë si pjesë e NATO-s, ministria e Mbrojtjes ka hartuar një projektligj. Pikat e defterit u diskutuan në Komisionin e Ligjeve. Domosdo foli edhe ministria, zonja Kodheli:
-Ngacmimet seksuale të oficerëve dihen. Duhen ndëshkuar. Këtë do e bëjmë me ligj. Me këtë ligj, synohet të mbrohet dinjiteti i ushtarakëve dhe figura e tyre.
Sipas projktligjit, masa mund të japin që nga Presidenti, kryeminitri, shefi i shtabit etj. Këtu mori zjarr debati. Pandeli Majko, si ish ministër i Mbrojtjes, bëri një vërejtje gjithë yndyrë:
-Ta përjashtojmë Presidentin. Nuk shkon të japi ndëshkime?
-Të japi,- tha një tjetër,- është Komandat i Përgjithshëm i Ushtrisë.
Me vota, fitojë Majko. Unë i jap të drejtë. Të flasim pak me fantazi. Një oficer ngacmon për seks. Njoftohet Presidenti! Ky merr laps e letër. Dënim?! Shkresa futet në arkivë. Pas 50 vjetëve hapen arkivat…Do qeshin me lot?!
Pasi mbaroi debati në Komisionin e Ligjeve, me dolën disa pikpyetje. Kë ngacmojnë oficerët? Femrat duke qënë si ujët ë pakët në ushtri, nuk besoj se bëjnë problem të rëndë. Pas femrave, oficerëve u bie të ngacmojnë meshkujt. Dalim në tjetër pikë. Disa oficerë bie te jenë gay. Ligjërisht pa zarar. Të drejtat e homoseksualëve mbrohen me ligj. Bile bile, në vitin 1995, për tu pranuar Shqipëria në Këshillin e Evropës duheshin dy kushte: Së pari, të hiqej dënimi me vdekje nga Kodi Penal. Së dyti, tehiqej dënimi për mardhënie seksuale mes homoseksualeve.
Po morali?!…Pa zarar. Tani kemi ligjin…Urra!