web counter
LEXO PA REKLAMA!

SHKARKO APP

E fundit!

x

Presidenti Nishani pret raportuesin e PE-së, Fleckenstein

8 Janar 2015, 11:19, Aktualitet CNA

Presidenti Nishani falënderoi raportuesin e Parlamentit Europian për Shqipërinë, Knut Fleckenstein, për ndihmën e dhënë në kthimin e normalitetit të jetës parlamentare në vend. Nishani e takoi raportuesin ndërsa ky i fundit ka nisur bisedimet me drejtuesit e shtetit në vizitën e tij që ka për qëllim mbledhjen e të dhënave për raportin e radhës për Shqipërinë.
?Shteti ligjor, një kulturë politike europiane dhe angazhimi më i madh i shoqërisë civile janë tre çështje thelbësore të procesit të integrimit të Shqipërisë në BE?, tha Fleckenstein gjatë takimit.
Eurodeputeti Fleckenstein vuri në dukje se bashkë me shumicën e kolegëve të tjerë në Parlamentin Europian ndan bindjen se Shqipëria i përket Europës, dhe se anëtarësimi i saj është çështje kohe.
Nishani informoi raportuesin se ende nuk ka një platformë të reformës në drejtësi, por ka një ngecje në linjën e retorikës politike, duke tërhequr gjithashtu vëmendjen mbi ndryshimet ligjore fragmentare e të njëanshme, të cilat po vazhdojnë pavarësisht angazhimit për një reformë tërësore dhe gjithëpërfshirëse, veçanërisht me domosdoshmërinë e përfshirjes së Komisionit të Venecias.





Lajmet e fundit nga