web counter
LEXO PA REKLAMA!

SHKARKO APP

App Store
Google Play

Si të parandalojmë gripin

8 Janar 2015, 11:39, Aktualitet CNA

Me uljen e temperaturave dhe me ndenjen sa më gjatë në ambiente të mbyllura ndodh që mikrobet ta kenë më të lehtë për të kaluar nga njëri trup në tjetrin. Të gjithë e dimë që në këtë periudhë të vitit duket sikur ka gjithmonë diçka që ndodh përreth, mund të jetë gripi, dhimbjet e fytit, apo shqetësime gastrointenstinale. Fatmirësisht ekzistojnë disa veprime të thjeshta që mund t?i bëjmë për të mbrojtur të tjerët dhe veten nga këto sëmundje sezonale.

Më poshtë do paraqesim disa mënyra për parandalimin e këtyre sëmundjeve:

1.Shmangni vendet e mbipopulluara sa më shumë të mundeni.

2.?Mund të jetë një ide e mirë ndryshimi i furçës së dhëmbëve apo sendeve të tjera personale pasi mund të kenë strehuar bakteret tuaja?.

3.Lani duart. Përdorni ujë të ngrohtë dhe sapun, fërkojini mirë ato rreth 20 sekonda duke u munduar të arrini të gjitha hapësirat, nën thonj dhe në rrudhat e duarve tuaja. Më tej shpëlajini ato tërësisht. Nëse nuk keni mundësi të përdorni ujë dhe sapun mund t?u drejtoheni higjenizuesve me bazë alkoli.

4.Kontrolloni kollitjen dhe teshtimat. Për të shmangur bakteret nga duart tuaja mund të kolliteni apo teshtini në një pecetë (letre) apo në pjesën e këndit mes krahut dhe bërrylit tuaj.

5.Përdorni sende të veçanta personale në shtëpinë tuaj. Mundohuni të mos ndani me të tjerët gotat ose pjatat, apo sende të tjera. Peshqirët është mirë të jenë të veçantë.

Specialistët sugjerojnë: ?Nëse, pavarësisht nga gjithë përpjekjet tuaja, ju do të bini pre e sëmundjeve sezonale, përpiquni të qëndroni në shtëpi deri sa simptomat të largohen apo për të paktën 24 orë nëse jeni duke marrë një antibiotik. Kjo është një mënyrë efektive për të shmangur përhapjen e sëmundjes tuaj tek të tjerët?.





Lajmet e fundit nga