E fundit!

16:43 Politikë

Mazhoranca zbulon planin për Reformën Territoriale/ “Shkrihen” disa bashki, ja ndryshimet

Bashkëkryetari socialist i Komisionit për Reformën Adminis...

Haberet e Mitros/ Lideri i Ballkanit

29 Dhjetor 2014, 13:12, Aktualitet CNA

Nga Mitro CELA

Zotnia e tij Edi Rama, kanë nisur ta sejdisin si Lider i Ballkanit! Aferim! I shkon për shtat. Po për takat? Sovrani thotë: Ka sira puna. Sefteden “nishani” i profetit në katundin tënd”!
Si politikan i dështuar, unë them se Rama i ngjiti bukur shkallët për të qënë Profet në mëmëdhe. Bashkinë e Tiranës nga ndërmarrje komunale e ktheu në institucion ekonomik. Kishte një buxhet-10 milionë dollarë në vit, sa kokoshi i plakës. Ja dorëzoi Bashës me 80 milionë dollarë. E ktheu Bashkinë e Tiranës në institucion politik. Kapërceu ylberin dhe u bë kryetar partiue dhe kryeministër. Në këto sinore po ecën edhe Basha.
Po më tej? Dhëmb për dhëmb – dje- në opozitë më Berishën. Majë e gjëmb -sot- në qeveri më Bashën dhe Berishën. Përsëritët meseleja e restorant “Korkodilit”. Evropa dërgon dy mëkëmbës në Tiranë. Një i moshuar- i djathtë. Tjetri i ri-socialit. U fërkojnë krahët Ramës, Bashës, Nishanit, Metës… Dhe…Eureka! Deputetët e djathtë, pasi u mallkuan për 6 muaj nga gratë se mbetën pa rroga, pranuan të vënë firmën në bordero. Urra!
Po pikat e fermanit? Më shumë për të qarë se për të qeshur. 1. Ndalohet rrahja mes deputetëve në parlament. 2. Ndalohet hedhja në kosh e vendimeve të Gjykatës Kushtetuese. 3. Garda tu nxjerrë “kartonin e kuq” deputetëve më “njolla”!
Po meseleja e Liderit të Ballklanit? Rama është fajtor pa faj. Qyrkun e veshi zonja Merkel. Duke qënë lokomotivë për Brukselin, mendojë të shtojë një vagon për Bllkanin.
Po timonieri? I thanë këshilltarët: Vagoni nuk ka nevojë për timon. Na duhet një Lider në formë. I shoshitën emrat me radhë. Edoganin? Turqia ka toka dhe milet me shumicë. U skartua. Erdogani- nuk pranon të jetë Lider nën rrënjën katrore te Merkel. Samaras? Dele pa qumësh. Nuk është i zoti të zgjidhi as Presidentin e Greqisë…Fshi të fshijmë dhe Merkel ra në sevda me Ramën…
Në fillim hapi thesin e parave për Ballkanin. Thirri në Berlin një tufë me kryeministra. Në qoshe Merkel dhe Rama…Është bërë ndonjë “koqe” punë”!…Përgjigje të saktë do të kemi o më 31 shkurt o më 1 prill!