Ekonomia, seancë dëgjimore me kandidatët anëtarë të BSH

23 Dhjetor 2014, 15:20, Ekonomi CNA

Komisioni i Ekonomisë zhvilloii sot një seancë dëgjimore me kandidatët për anëtarë të Këshillit Mbikëqyrës të Bankës së Shqipërisë.

Në mbledhjen e Grupit Parlamentar të PS-së ditën e djeshme, është vendosur mbështetja për dy kandidatët Natasha Ahmetaj dhe Tonin Kola, gjithashtu deputetët vendosën të mbështesin kandidaturën e Genti Sejkos të propozuar nga Këshilli Mbikëqyrë i Bankës së Shqipërisë për anëtar të këtij Këshilli.
Mësohet se brenda grupit ka pasur debat në lidhje me kandidaturën e Arben Malajt.
Erion Braçe ka deklaruar se Këshilli Mbikqyrës duhet depolitizuar.

Gjatë mbledhjes së grupit është vendosur që Komisioni i Ekonomisë të planifikojë seancë dëgjimore edhe me Gent Sejkon, meqë vetë Banka e ka propozuar si anëtar të Këshillit Mbikqyrës.

Natasha Ahmetaj, një ndër kandidaturat për Këshillin Mbikëqyrës të Bankës së Shqipërisë, u fokusua gjatë bisedës së saj te kreditimi, e pikërisht te portofoli i kredive të këqija. Ajo deklaroi se biznesi privat nuk e ka kulturën e shlyerjes së kredisë dhe numri i kredive të këqija është problematik në Shqipëri, duke shtruar kështu tezën e uljes së numrit të tyre me kujdes më të madh nga bankat e nivelit të dytë.

Koci, anëtar i Komisionit të Ekonomisë, u drejtoi pyetjen për kreditë e këqija, se si mund të ndryshonit situatën në rast se bëheni pjesë e KM-së. Znj. Ahmetaj deklaroi se ne fillimet e shtetit demokrat, ne vinim nga nivele të ulëta kreditimi, ndaj u rrit në mënyrë të pakujdesshme në shpejtësi dhënia e kredive, ndaj të jesh i kujdesshëm në shpejtësinë e kreditimit ndikon në shmangien e kredive të këqija në portofolin bankar, sipas saj.

Gjithashtu Ahmetaj u shpreh edhe lidhur me konsolidimin fiskal, që sipas saj do të thotë përshpejtim i ngadaltë, duhet kujdesje por jo që ulja e borxhit në mënyrë drastike, pasi sipas saj, ulja e borxhit duhet të jetë gradual.

Gent Sejko, i dekretuar për Guvernator, deklaroi gjatë seancës dëgjimore se Banka e Shqipërisë ka nevojë për analizë të kontrollit të brendshëm, nga ku burimet njerëzore janë shumë të rëndësishëm. ?Nevojitet një reformë e thellë për rikthimin e besimit të BSH-së?, u shpreh ai.

?Ri-modelimi i kredi-dhënies është i nevojshëm, BSH-ja duhet të ketë bahskëpunim më të thellë me bankat e nivelit të dytë, për të përmirësuar kredi-dhënien. Problem është te ngërçi biznes-bankë, duhet lëshuar rregullore të reja nga banka qendrore drejt bankave të nivelit të dytë, për të lehtësuar frymëmarrjen e bankave dhe rritur efektivisht procedurat e rregullta të kredisë.

Banka qendrore ka një rol kyç në dhënien e frymë-marrjes së bankave, rritur kredimarrjes për ekonominë, rritjen e stabilitetit.?, deklaroi Sejko.

Nga nga tjetër, ai ka fajësuar BSH për shpenzimet e shumta ?Ne e dime që BSH ka bërë disa investime që kanë lidhje me godinën e re dhe investime të tjera. Për hir të së vërtetës këto investime duhet të ishin bërë, sigurisht jo në ato përmasa, por nuk mund ta gjykojmë në këtë moment. Banka kishte nevojë për një godinë të rikonstrukturuar pasi Banka ekzistuese ka qenë në kushte të mjerueshme. Unë kam punuar në ato zyra dhe vetëm bankë nuk mund të ishte. Pra ato shpenzime dhe shpenzime të tjera ka bërë që të ketë një nivel të caktuar shpenzimesh për disa investime. A duhet të kishte qenë i kontrolluar ky nivel? Unë mendoj se po.?, u shpreh ai.