web counter
LEXO PA REKLAMA!

SHKARKO APP

App Store
Google Play

Ulet mosha e pensionit per minatoret

5 Nëntor 2014, 23:00, Politikë CNA

Kuvendi po diskuton sot projektligjin ?Për pensionet e punonjësve që kanë punuar në miniera, në nëntokë?, i cili parashikon uljen e moshës së daljes në pension për këtë kategori punonjësish nga 60 vjeç që është aktualisht në 55 vjeç.
Ministri i Mirëqenies Sociale dhe Rinisë, Erion Veliaj tha në seancë se ky pr/ligj i vjen në ndihmë gjithë kësaj shtrese punonjësish të parespektuar prej vitesh. Janë 3840 minatorët në të gjithë vendin që përfitojnë nga ky ligj, tha Veliaj, ndërsa ftoi deputetët që ta votojnë draftin, që përbën thelbin e angazhimit politik të maxhorancës qeverisëse.
Ai sqaroi se minatorët sot marrin 9 mijë lekë pension, ndërkohë që me ndryshimet e propozuara 75% e tyre do të marrin 14 mijë lekë, ndërsa 25% të tjerë, 21 mijë lekë.
Pr/ligji parashikon që periudha e sigurimit të jetë 30 vite gjithsej, nga të cilat 12 vjet e 6 muaj punë në nëntokë. Kategoria që përfiton sipas këtij projektligji duhet të mos jetë ekonomikisht aktive, pra punonjësi nuk duhet të jetë i punësuar apo i vetëpunësuar në sektorë të tjerë, me përjashtim kur jeton në fshat dhe kryen punë në bujqësi si i vetëpunësuar.
Personat, që do të trajtohen sipas këtij pr/ligji, do të përfitojnë dhe kompensimin për të ardhurat minimale, si dhe kompensimet që rrjedhin nga rritja e çmimit të energjisë elektrike etj, sikurse personat e tjerë që përfitojnë pension pleqërie.





Lajmet e fundit nga