E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Arsimi, 5 mijë mësues në rrugë

2 Nëntor 2014, 23:00, Politikë CNA

Ministria e Arsimit pritet të fillojë një furtunë në strukturat e saj, të cilat përfshijnë mësuesit e ciklit të ulët dhe atij nëntë vjecar por edhe mësuesit e gjimnazeve. Mësohet se kryeministri Edi Rama, në një takim që ka patur sot me deputetët e Partisë Socialiste ka bërë të ditur se do të ketë një reformë të thellë në strukturat e arsimit, dhe do të zgjidhet problemi i kërkesave që kanë anëtarët e Partisë Socialiste për punësim në sistemin e arsimit.

Nga ana tjetër, pak më parë në një takim, ministria e arsimit Lindita Nikolla u shpreh se janë mbi 2 mijë mësues të arsimit të cilët janë jashtë profilit të tyre. Pra sipas Nikollës dhe asaj që ka thënë zoti kryeministër, furtuna në fillim do të përfshijë pikërisht këta mësues të cilët pretendohet se janë jashtë profilit të tyre. Në anën tjetër pritet që të ketë lëvizje edhe tek mësuesit me kontratë, të cilët në Shqipëri janë disa mijëra.

Mësohet gjithashtu se lëvizje në strukturat e arsimit do të ketë edhe në një formë tjetër, për të bërë arsimtarët aktualisht në detyrë të largohen me dëshirën e tyre ose të braktisin punën, pra si zgjidhje është gjetur mënyra për ti cuar ata në zona të thella, sa më larg zonës së tyre të banimit, për të bërë të mundur që këta mësues të dorëhiqen nga puna e tyre, cka do ti krijonte hapësira drejtorëve rajonalë të arsimit, të emërojnë në këto struktura militantë partiakë sipas kërkesave të sjella nga zyrat e PS dhe LSI.

Furtuna në arsim pritet të fillojë në ditët në vijim dhe pas largimit të mësuesve të cilët janë jashtë profilit, goditja do vazhdojë me të tjerë mësues sipas formave që përmendëm më lart. Sipas këtij plani të përgatitur imtësisht në zyrat e kryeministrit, pritet që deri në fund të muajit dhjetor të ketë minimalisht rreth 5 mijë arsimtarë të larguar apo lëvizur nga detyra.

Burime zyrtare thanë për Cityfm, se kjo lëvizje e arsimtarëve do të bënte të mundur që shumë prej ujërave të turbullta në PS dhe LSI të kthjelloheshin, pasi kërkesat për punësim në arsim janë me mijëra. Kjo raprezarje që pritet të ndodhë në ditët në vijim, pritet të zgjidhë një pjesë të mirë të problemeve dhe debateve brenda strukturave të mazhorancës.