web counter
LEXO PA REKLAMA!

SHKARKO APP

App Store
Google Play

Policia vazhdon fushatën e arrestimeve për energjinë

1 Nëntor 2014, 23:00, Aktualitet CNA

Policia e Shtetit vijon zbatimin në terren të masave të posaçme për ndërprerjen e abuzimeve me energjinë elektrike, duke identifikuar dhe vënë para drejtësisë autorët e lidhjeve të paligjshme të energjisë dhe vjedhjes së energjisë elektrike.

Sipas një njoftimi të Policisë së Shtetit, gjatë ditës së sotme është marrë masa e arrestit në flagrancë ndaj 17 personave, të cilët akuzohen për vjedhje të energjisë elektrike dhe janë shpallur në kërkim 7 persona.

Në Tiranë janë arrestuar në flagrancë dy faturistë dhe një elektricist, punonjës të OSHEE.

Policia ka mbështetur OSHEE në 811  raste gjatë ditës së sotme, ndërsa janë ndërprerë 286 lidhje të paligjshme të energjisë  dhe abonetëve debitorë.

Ndërkohe nga të arrestuarit 12 prej tyre janë pronarë biznesesh. Sipas qarqeve rezultatet paraqiten si më poshtë:

Nga Drejtoria e Policisë së Qarkut Tiranë janë arrestuar në flagrancë 9 persona, si dhe janë shpallur në kërkim 4 të tjerë.

Nga Drejtoria e Policisë së Qarkut Durrës është arrestuar 1 person dhe është shpallur në kërkim 1 person.

Nga Drejtoria e Policisë së Qarkut Elbasan është arrestuar 1 person dhe është shpallur në kërkim 1 person

Nga Drejtoria e Policisë së Qarkut Shkodër janë  arrestuar 2 persona dhe është shpallur në kërkim 1 person.

Nga Drejtoria e Policisë së Qarkut Lezhë janë  arrestuar 2 persona .

Nga Drejtoria e Policisë së Qarkut Dibër  është arrestuar 1 person.

Nga Drejtoria e Policisë së Qarkut Kukës  është arrestuar 1 person.

Policia e Shtetit do të vijojë edhe në ditët  e ardhshme të zbatojë me vendosmëri masat e marra në kuadër të këtij operacioni të rëndësishëm për vendin, duke përballur me forcën e ligjit të gjithë ata persona, të cilët abuzojnë me energjinë elektrike.





Lajmet e fundit nga