Basha: Qeveria kërkon të kapë sistemin e drejtësisë, ne duam gjithëpërfshirje dhe ekspertizë europiane

5 Tetor 2014, 22:00, Politikë CNA

Kreu i Partisë Demokratike Lulzim Basha, teksa përsëriti vullnetin e opozitës për reformën në drejtësi, bëri apel që ajo të bëhet me gjithëpërfshirje dhe me ekspertizën europiane dhe jo me qëllim kapjen e sistemit të gjyqësorit, që sipas Bashës është tentuar deri më tani nga qeveria.

Sipas Bashës, kjo si dhe prania e individëve me precedentë kriminalë në Kuvend, janë dy nga arsyet madhore që opozita ka ndërprerë marrëdhëniet me parlamentin.

?Për arsye që dihen botërisht opozita ka ndëroprerë marrëdhëniet me parlamentin. Drejtësia është një temë e madhe që ka të bëjë me zbatimin e ligjit dhe Kushtetutës, në radhë të parë nga Parlamenti dhe Qeveria. Sundimi i ligjit dhe zbatimi i vendimit të gjykatave është parësore. Jemi sot këtu për zbatminin e ligjit, ndonëse shumica ka vënë në pikëpyetje vendimet e gjykatave, për herë të parë. E përsëris për herë të parë. Tema tjetër e konfliktiti me shumicën ka të bëjë me integritetin e ligjvënësve. Prania si kurrë më parë në trupën e ligjvënëse, të individëve të dënuar më parë, kompromenton rëndë, integritetin për të marrë përsipër rolin për këtë reformë. Opozita e sotshme ndryshe nga ajo e djeshmja mbështet këtë reformë në rrugëtimin evropian.? tha Basha

Për kreun e opozitës, reforma në drejtësi duhet mbështetur në shtylla kryesore, në pavarësinë e gjyqësorit nga politika, si dhe nga konsolidimi i sistemit të drejtësisë, sa i përket përgjegjësisë dhe llogaridhënies para qytetarëve.

Basha akuzoi se deri më tani, qeveria nuk ka treguar vizion dhe platformë për reformën në drejtësi, por vetëm të kapë sistemin gjyqësor përmes paketave të personalizuara dhe pa konsultime me ndërkombëtarët.

?Më lejoni t?ju them se ne kërkojmë një model europian p[ër reforminin e drejtësisë, që bazohet në transparencë, pavarësi, dhe efiçencë. Ajo bazohet në dy shtylla. E para qeveria duhet të mbajë duart larg nga gjyqësori. Së dyti konsolidimin e gjyqësorit, përmes rritjes së rolit të tyre në përgjegjësi për llogaridhënie para qytetarëve dhe askujt tjetër. Reformimi i drejtësisë duhet bërë pa bërë kurban pavarësinë e saj. A mund të ketë model në drejtësi, kur qeveria miraton natën dhe pa asnjë konsolidimi, paketa të personalizuara që synojnë kapjen e drejtësisë, si ajo e 31 korrikut që synon kapjen e magjistraturës KLD me një goditje, dhe kthimi mbrapsht nga Presidenti u hodh posht. Ju rikujtoj se kur partnerët ndërkombëtarë kërkuan pritjen për ardhjen e ekspertëve euroipan u justifikua me faktin se jemi në emergjencë, dhe kjo kishte të bënte me shkarkimin e anëtarëve të KLD. Populizmi nuk është zgjidhje, është mungesë vizioni, një jorgan për të mbuluar axhendën politike, reforma kërkon vizion kërkon platformë, deri tani ka kaluar viti dhe kjo mazhorancë nuk ka paraqitur asnjë vizion, asnjë platformë.? theksoi kreu i opozitës

Duke folur lidhur me kriteret që duhet të ketë procesi i reformës së drejtësisë, Basha tha se procesi duhet të jetë gjithëpërfshirës dhe të krijohet mbi bazën e konsensusit, çka sipas tij do të garantojë jetëgjatësinë e reformës së gjyqësorit. Sipas Bashës janë disa objektiva që duhen përmbushur në realizimin e kësaj reforme, mes të cilave, përmirësimi i transparencës dhe llogaridhënies nga gjyqësori, pavarësia e tij, si dhe vendosja e besimit të qytetarëve tek sistemi i drejtësisë.

?Reforma sipas nesh kërkon transparencë, dhe jo shteg emergjence. Procesi kërkon gjithëpërfshirje, jo vetëm të aktorëve politikë. Procesi kërkon konsensus me bazë të gjerë, që garanton jetëgjatësi të një drejtësie të shpejtë dhe të paanshme. Procesi kërkon ekspertizë dhe monitorim europian për të shmangur dhe parandaluar ethet për ta zëvendësuar me një model oligark të kapjes. Natyrisht sindroma e vitit 0 nuk mund të jetë pikënisje për asnjë reformë. Jemi të hapur ta diskutojmë këtë reformë me të gjithë faktorët. Ka disa objektiva që duhen arritur sipas nesh. Së pari përmirësimi i transparencës dhe llogaridhënues, përmes rritjes së kontrollit të monitorimit të sistemit gjyqësor me synim luftën ndaj korrupsionit. Objektivi i dytë ka të bëjë me pavarësinë e sistemi gjyqësor, ku çdo sistem bën detyrën e vetë, pa ndërhyrë tek njëri-tjetri. Sfidë mbetet vendosja e besimit dhe konsolidimi i tij mes qytetarëve dhe sistemit të drejtësisë.? u shpreh Lulzim Basha.