E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama kërcënim LIVE: Do t’ua nxijmë jetën gjyqtarëve dhe prokurorëve të korruptuar

5 Tetor 2014, 22:00, Politikë CNA

Për kryeministrin Edi Rama, tryeza e thirrur nga Presidenti Nishani për drejtësinë dhe ulja e të gjitha palëve për përmbysjen e një sistemi, që sipas kreut të qeverisë është i kalbur, flet për një vullnet të mirë të palëve për të adresuar dhe ndryshuar problematikat e drejtësisë.

Ndërsa falënderoi presidentin Nishani për këtë iniciativë, Rama shprehu rezerva nëse ambicia për një reformë në drejtësi do t?i kalonte realisht kufijtë dhe dallimet e partive politike.

Por nga ana tjetër, Rama shtoi se prania në tryeza të këtij niveli, pavarësisht se nga kush thirren, duhet të ?provojë se e kemi seriozisht.

?Refroma nuk do të jetë e një anshme, por kur themi gjithëpërfshirëse duhet të kemi parasysh njerëzit e sistemit dhe të gjitha forcat e përfshira në procesin politik. Në rast se ky takim vlen për diçka, vlen si një moment i shprehjes së vullnetit të mirë, por jemi dëshmitarë se askujt si ka munguar as mundësia as fjalët për ta shprehur vullnetin në 20 vjet dhe ja ku jemi sot si s?ka më keq me mënyrën si funksionon sistemi ynë i drejtësisë. Flas për publikun e gjerë që sinqerisht do doja të merrte mesazhin se ka një vullnet të përbashkët dhe ambicie që i kalon kufijtë e partive, të gjitha dallimet mes nesh për të operuar me kurajo këtë sistem kanceroz. Por pa dashur të jem pesimist kam frikë se e kundërta është e vërtetë. Sidoqoftë ne erdhëm me vullnet të plotë në këtë forum të organizuar nga Presidenti, madje duke shtyrë në kohë Konferencën Kombëtare për Reformën në Drejtësi që po përgatisim në koordimin të plotë nga ana e Komisionit të Ligjeve, sepse besojmë që rruga më e mirë për ta hapur këtë proces është kjo që ndërmarrim sëbashku këtu nën kujdesin e Presidentit që dëshiroj ta falënderoj për këtë nismë dhe gatishmërinë, që një ide fillestare të tij për njerëzit e drejtësisë e shtjelloi bashkë me kreun e Kuvendit për ta kthyer në një forum më të gjerë se kaq, me njerëzit e drejtësisë dhe politikës, për të adresuar problematikën e rëndë të sistemit?, tha Rama.

?Do t?ua nxijmë jetën gjyqtarëve dhe prokurorëve të korruptuar?
Në vijim të fjalës së tij kryeministri Rama foli për ?korporata të gjyqtarëve e prokurorëve? që e kanë kthyer drejtësinë në biznes, por tha se si detyrim ndaj atyre që i votuan, do ?t?i nxijë jetën gjyqtarëve e prokurorëve të korruptuar?.

?Nuk mund të tolerojmë korporatat e gjyqtarëve dhe prokurorëve të korruptuar të këtij vendi. Ka reagime ndaj kësaj qasje dhe më vjen keq por kjo është e vërteta e hidhur, fakti që ka përjashtime është për të vënë duart në kokë. Që ka prokurorë dhe gjyqtarë të ndershëm që punojnë çdo ditë është për të vënë duart në kokë se janë përjashtim që forcon rregullin. Shqiptarët që nuk vijnë dot në këtë sallë, do ja kthejmë jetën duke ja nxirë jetën gjyqtarëve e prokurorëve të korruptuar që bëjnë biznes?

?Ta harrojmë se BE na pranon me këtë sistem drejtësie?
Rama tha se me këtë sistem drejtëse Shqipëria nuk i ka mundësitë për tu pranuar në familjen evropiane.
?Çka përbën një detyrim për të qenë së bashku në këtë tryezë është: Ta harrojmë ne sëbashku që BE e pranon Shqipërinë me këtë sistem drejtësie, mund të fshihemi pas kushtetutës e të bëhemi gjykatësit e anëtarëve të korruptuar të KLD, po s?do të na çojë në BE. BE s?do na i hapë kurrë dyert nëse s?do të provojmë se drejtësia s?është mall dhe se përpara ligjit jemi të gjithë të barabartë. Ne jemi shumë më të ndjeshëm ndaj gjithë reaksionit të njerëzve të pakënaqur ndaj nesh për mënyrën si funksionon sistemi i drejtësisë?, tha Rama.

?Shqipëria me drejtësi të korruptuar! Ta ndryshojmë këtë imazh?
Kryeministri theksoi se Shqipëria komentohet si një vend me drejtësi thellësisht të korruptuar, ndërsa e konsideroi reformën në drejtësi si një emergjencë kombëtare.

?Besoj që nëse i hedhim një sy gjithë grafikëve të zhvillimit të jetës së këtij vendi në këto 20 vjet, një grafik, do të bënte dallim të madh, dhe ky do të ishte grafiku i drejtësisë dhe i perceptimit ë publikut për drejtësinë. Janë 90% e shqiptarëve që janë shumë më të përafruar në qasjen e gjërave të tjera, që besojnë se në Shqipëri nuk ka drejtësi dhe se sistemi i drejtësisë nuk funksionon. Janë mbi 80% që pohojnë që sistemi i drejtësisë është i korruptuar dhe se për të fituar një gjyq nuk mjafton sa ke të drejtë, por sa para ke për të paguar, janë mbi 90% e shqiptarëve që rregullisht përgjigjen se duhet një reformë rrënjësore për sistemin e drejtësisë, e kancerit që e ka mbërthyer sistemin e drejtësisë?, tha kreu i qeverisë.