web counter
LEXO PA REKLAMA!

SHKARKO APP

App Store
Google Play

MEGA, po bashkëpunojmë me OMONIA-n, jo me Dulen

4 Tetor 2014, 22:00, Politikë CNA

Kryetari i MEGA, partisë rivale të PBDNJ për minoritetin grek përgënjeshtron zërat se partia e tij po bashkohet me PBDNj e Dules.

Në një deklaratë për shtyp kryetari i MEGA Kristaq Kico thotë se ky është një lajm që nuk ka asnjë lidhje me realitetin:

?Në kuadrin e riorganizimit dhe zgjedhjeve të reja të organizatës OMONIA, ne ju përgjigjëm pozitivisht ftesës për të bërë një fillim të ri me qëllim për ta kthyer organizatën në identitetin dhe funksionimin e saj demokratik. Takimi i të premtes ishte veçse një takim i parë dhe i pakonkretizuar me ndonjë marrëveshje konkrete për mënyrën e riorganizimit dhe të mbajtjes së zgjedhjeve të reja të saj , pasi siç u vendos do të krijohej një komision përbashkët për të diskutuar rreth këtij problemi.

Arsyeja për të cilën ne vendosëm të mernim pjesë në një takim të tillë është se kemi besuar dhe besojmë se organizata OMONIA e themeluar para 23 vjetësh ka si objekt final përfaqësimin e gjithë pjesëtarëve të Minoritetit Etnik Grek në Shqipëri dhe jo vetëm një klan abuziv që e ka përdorur atë për interesat e veta të ngushta e personale.Lajmi se bashkohen dy partitë MEGA dhe PBDNJ në një të vetëm dhe dalja në zgjedhjet e ardhshme me një sigël , është krejt i pasaktë dhe nuk është diskutuar aspak në këtë takim.

Partia MEGA duke respektuar statutin e vet ka filluar fushatën e vet të zgjedhjeve të reja me parimin demokratik ?Një anëtar një votë? fushatë e cila pritet të finalizohet para mbarimit të këtij viti.I bëjmë thirrje medias që të respektojë vërtetësinë e lajmeve që përhap pasi qëndrimi dhe vendimet e partisë MEGA pasqyrohen nëpërmjet deklaratave të saj zyrtare?.





Lajmet e fundit nga