Arben Frroku, zbulon deshmitarin kyc te vrasjes se komisar Dritan Lamajt

25 Shtator 2014, 22:00, Aktualitet CNA

I akuzuari për vrasjen e kryekomisarit Dritan Lamaj, Arben Frroku ka zbuluar identitetin e dëshmitarit kyç që po bëhet shkak për shtyrjen e seancave në ngarkim të tij.

Në një intervistë telefonike për News 24 nga qelia e burgut 302 Frroku shprehet se e njeh prej kohësh dëshmitarin dhe se ky i fundit është penduar ndaj nuk paraqitet në gjyq.

Sipas Frrokut dëshmitari kyç, që prokuroria pretendon se e ka parë duke qëlluar kryekomisarin Dritan Lamaj, quhet Fatmir Vladi dhe është një person me të kaluar të errët.

?Dëshmitari është penduar për gabimet e veta dhe nuk do të dëshmojë, jo se ka ikur në drejtim të pa ditur. Ai ka një të kaluar të errët, luan në lojëra fati. Kishte lënë ca lek në ca pika të miat të basteve dhe donte të më jepte një makinë për të shlyer borxhin. Unë nuk pranova, i thashë dua lekë. Siç u ka humbur atyre para ca kohësh, më ka humbur ca kohe edhe mua. Edhe me familjarët ka problem. Nuk dua t?u jap shumë detaje, por ai është Fatmir Vladi, banon në Tiranë. Ka banuar në ?Misto Mame?, ?- u shpreh Frroku.

Më tej ai pretendon se dëshmitari nuk ka parë asnjë gjë dhe se nuk ka qenë në vendin e ngjarjes kur ka ndodhur vrasja e kryekomisarit. Sipas Arben Frrokut, dëshmitari është i manipuluar nga pala akuzuese.

?Nuk është dëshmitar i mbrojtur. Ka ardhur një letër që dëshmitari ka humbur kontaktet. Në seancat që kam bërë në korrik ka ardhur një dokumentacion që kemi humbur kontaktet. E kam njohur në kushtet kur luante bixhoz, unë isha president pikash bastesh dhe donte të më linte makinën se më kishte borxh.
Dëshmitari nuk di asnjë gjë. Sa kam qenë unë në Tiranë, ka qenë edhe ai. Unë në bazë të provave dal në Elbasan. Jam i bindur që edhe ai person nuk është ndodhur në vendin e ngjarjes. Por është i manipuluar nga pala e akuzës. Personi është i manipuluar edhe unë nuk kam lidhje me ngjarjen?- u shpreh Frroku.

Ai thekson se nuk ka ndërmend ti bëjë presion personit që pritet të dëshmojë, por kërkon që ky i fundit të japë dëshminë e tij.

?Unë i kam kërkuar që të vijë dhe të dëshmojë. Dëshmitari është penduar për gabimin e kryer, pala e akuzës i bën presion. Unë nuk kam pse i bëj presion. Unë dua drejtësi?– sqaron Frroku.

I akuzuari për vrasjen e kryekomisarit Dritan Lamaj shprehet se nuk ka frikë nga ato çfarë mund të thotë dëshmitari dhe se ka prova që vërtetojnë pafajësinë e tij.

?Nuk kam frikë nuk ka çfarë dëshmon, ka prova shkencore që nuk kam qenë fare në Tiranë, kam telefonat. Amerika përgjon 5 miliardë telefona, zbulon vendndodhjen e tyre. Është një padrejtësi e jashtëzakonshme?-përfundoi Frroku.