web counter
LEXO PA REKLAMA!

SHKARKO APP

App Store
Google Play

E fundit!

x

Malaj: Guvernator do të jetë një nga anëtarët e Këshillit Mbikqyrës

11 Shtator 2014, 07:55, Ekonomi CNA

Arben Malaj, ekspert i ekonomisë shprehet se  Guvernatori do të jetë një nga anëtarët e Këshillit Mbikqyrës.

?Sipas ligjit aktual, Këshilli Mbikqyrës ka nëntë antarë të cilët, pesë vijnë nga Parlamenti, tre nga ekzekutivi dhe një si propozim i Këshillit. Parlamenti tashmë duhet të çojë në këshill tre anëtarë të rinj, ndërsa vendi i zotit Civici do të zëvendësohet nga propozimi i këshillit, pasi zoti Civici ishte një propozim i Këshillit Mbikqyrës. Pasi të jetë plotësuar bordi, Presidenti ka të drejtën të zgjedhë një prej tyre dhe ta propozojë në Kuvend si Guvernator. Nëse maxhoranca do ta refuzonte, do të dukej tendencioze, pasi një anëtar që është votuar një herë në Kuvend për anëtarët e Këshillit, nuk mund të refuzohet si Guvernator?,  sqaron malaj në gazetën ?Dita?.

Për sa i përket idesë për guvernator të huaj Malaj shprehet se, ?Nuk do ta quaja të pranueshëm këtë diskutim. Nesër mund të kemi një problem me Kryeministrin, më pas me Presidentin, apo edhe me drejtues të tjerë. Një vend zhvillohet duke krijuar kapacitetet e tij deri në nivelet më të larta?.

Ndërkohë përmes një stusi në rrjetin social ?Facebook?, kryeministri Rama ka njoftuar nga Kina, se  javën që vjen do të bëhet plotësimi i vendeve boshe  në Këshill.

Rama ka përcaktuar qartë dhe kriteret që duhet të përmbushin anëtarët e Këshillit të BSH-së, të jenë me shtetësi shqiptare dhe që punojnë në sistemin financiar ndërkombëtar.

?Do t?u drejtohemi shqiptarëve që punojnë në sistemin financiar ndërkombëtar për vendet në Këshillin Mbikqyrës të BSH.  Javën tjetër thirrja!?, tha Rama.





Lajmet e fundit nga