web counter
LEXO PA REKLAMA!

SHKARKO APP

App Store
Google Play

“Arrest me burg” për Fullanin dhe Golemin; Avokati Haxhia: Masë ekstreme

7 Shtator 2014, 11:50, Aktualitet CNA

Guvernatori i Bankës së Shqipërisë, Ardian Fullani dhe Inspektorja e Përgjithshme, Elivar Golemi do të qëndrojnë në paraburgim deri në përfundim të hetimeve nga prokuroria.

Në seancën e zhvilluar sot me dyer të mbyllura, Gjykata e Shkallës së Parë në kryeqytet caktoi masën e sigurisë ?Arrest me burg?, për dy zyrtarët e lartë të BSH-së, arrestuar dy ditë më parë më kërkesë të prokurorisë me akuzën për ?Shpërdorim detyre?. 

Në përfundim të seancës gjyqësore, Avokati mbrojtes i Guvernatorit Fullani, Maks Haxhia tha për mediat se e ka kundërshtuar vendimin e gjykatës, duke theksuar se ky vendim është i padrejtë dhe ekstrem.

?Vendimi ishte i padrejtë. Gjykata nuk ka pranuar kërkesat tona, me një argument procedural dhe në kundërshtim të pikës 2 të nenit 244. Masa e arrestit ka qenë e kundraligjshme, pasi kjo masë merret ndaj atyre që i shmangen hetimit ata që janë me vendbanim jashtë shtetit. Në këtë rast, dihet botërisht që Ardian Fullani është Guvernator dhe se ku banon e jeton. Ne kundërshtuam atë kërkesë të gjykatës?, është shprehur për mediat Haxhia.

Ai bëri të ditur se ditën e hënë do të dorëzojë në Gjykatën e Apelit kërkesën për rishikim të masës së sigurisë ndaj Fullanit.

Po sot, në Gjykatën e Shkallës së Parë u zhvillua seancë gjyqësore edhe për kryeinspektoren e BSH-së Elivar Golemi, seancë e ndarë nga ajo e Guvernatorit Fullani. Edhe për Golemin, gjykata caktoi masën e sigurisë ?Arrest me burg?, në lidhje me akuzën e ?shpërdorimit të detyrës?.

Fullani dhe Golemi u arrestuan dy ditë më parë, pas akuzës prokurorisë  për ?shpërdorim detyre?, pas vjedhjes së 713 milionë lekëve në Bankën e Shqipërisë.





Lajmet e fundit nga