web counter
LEXO PA REKLAMA!

SHKARKO APP

App Store
Google Play

E fundit!

x

Nje CV e prokurorit që arrestoi Fullanin

7 Shtator 2014, 07:43, Aktualitet CNA

Ky është prokurori Ramadan Troci, i cili brenda pak kohësh ka tërhequr mbi vete prozhektorët duke u komentuar si një prej protagonistëve në sistemin e drejtësisë.

Të premten në mbrëmje ai firmosi urdhrin për arrestimin e Guvernatorit Ardian Fullani, një gjest ky i guximshëm dhe që u përkthye nga shumëkush si sinjali i parë se drejtësia ka ndryshuar kurs: tashmë sistemi i pandeshkueshmërisë nuk ekziston më.

Fullani ishte vetëm fletë- arresti numër 19 në listën e të akuzuarve për këtë skandal.

Ndërsa personi që kryeson hetimet është prokurori Ramadan Troci, 36 vjeç, nga Dibra.

Ai aktualisht punon në njësinë task force antikorrupsioni në Prokurorinë e Tiranës.

Ai është i martuar dhe baba i dy fëmijëve.

Më herët Troci ka punuar si prokuror i sektorit të vrasjeve në linjën nr.1 të Prokurorisë së Tiranës.

Ramadan Troci punon në Prokurorinë e Tiranës që prej muajit prill të vitit 2012, ndërsa më herët ka qenë prokuror në Bulqizë.

Që nga orët e mbrëmshme në mediat sociale flitet mjaft për të, në blogje ai cilësohet deri dhe si ?heroi i shqiptarëve?, njeriu që bëri të rrezohej miti i të paprekshmit.

Por ky urdhër- arrest nuk është i vetmi për prokurorin Troci. Pak kohë me pare ishte i njëjti prokuror që firmosi urdhër- arrestin për ish- drejtorin e INUK, Zyhdi Dajti, ndërsa ka në dorë çështje të rëndësishme si refuzimi i urdhër- arresteve për 21 janarin, ku janë të akuzuar ish- drejtori i policisë se Tiranës, Hysni Burgaj dhe ish- zëvendësi i tij, Agron Kuliçaj.  Për prokurorin e Tiranës, që me arrestimet e fundit ka dalë në qendër të vëmendjes, tani duket se ka nisur sfida e vërtetë. Akuzat u formuluan? arrestimi u krye?

Tani akuza duhet provuar në gjykatë që fajtorët të dënohen.





Lajmet e fundit nga