web counter
LEXO PA REKLAMA!

SHKARKO APP

App Store
Google Play

Hakmarrje per te dashurin e Adelina Ismajlit

2 Shtator 2014, 16:44, Aktualitet CNA

Vazhdon në Gjykatën Themelore të Prishtinës një nga gjyqet më interesante.

Një grup policësh akuzohen për një shpërthim në lokalin ?Sekiraqa?, pronë e Enver Sekiraqës, një emër i njohur i nëntokës në Kosovë.

Vetë Sekiraqa është në burg.

Ai akuzohet se ka porositur vrasjen e policit të forcave speciale, Triumf Riza, në atë kohë i dashuri i këngëtares së njohur, Adelina Ismajli.

Pas vrasjes së tij, një grup kolegësh vendosën të hakmerren, duke hedhur në erë lokalin e Sekiraqës në vitin 2007.

Në këtë ngjarje humbën jetën dy persona.

Të martën përpara gjykatës doli Besnik Hasani, një ish- polic.

Ai tha se hakmarrja ndaj Sekiraqës ishte për shkak të kolegut Triumf Riza, jo për shkak të këngëtares Adelina Ismajli, me të cilën ishte i lidhur polici.

Hasani, i dënuar me 25 vite burg, ka dëshmuar edhe përpara pesë ditësh për këtë ngjarje.

Sytë iu mbushën me lot kur nisi të tregonte se si policët kishin planifikuar djegien e lokalit të Sekiraqës.

?Nysret Cena më tha se nuk është mirë me e djegë, por me e hedhë në ajër,? tha ai.

Ai shtoi se veturat dhe armët i ka siguruar Bekim Suma dhe Luan Qerkini.

Hasani tha se bombën e ka përgatitur Nysret Cena, kurse ai ka veshur uniformën e forcave speciale.

Një tjetër polic ka mbuluar targat e veturave të policisë.

Ai tha se me Sekiraqën ka pasur fërkime që kur e arrestuan në vitin 2006.

Ai tha se mes Sekiraqës e policëve ka pasur disa përplasje, madje edhe me armë, si në rastin e Suis Kazino.

?Enver Sekiraqa ka qenë kriminel,? tha Hasani.





Lajmet e fundit nga