E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Plazhet me ujra të zeza, Shkëmbi i Kavajës - Tropikal Resort - Kovaleshencë

31 Gusht 2014, 09:20, Aktualitet CNA

Krahasuar me një vit më parë ndotja detare paraqitet në nivele më të ulta në plazhin e madh të Durresit për shkak të investimeve të kryera në rrjetin e kanalizimeve.

Por në grykëderdhjen e Lumit Ishëm, atë të Tarinit, në Plepa, Shkëmbin e Kavajës, tek Tropikal Resort, Golem dhe Malin e Robit përqëndrimi baktereologjik i ujërave detare është i lartë, ndërsa Currilat dhe shëtitorja bregdetare kanë dalë nga harta e zonave të ndotura.

?Nga monitorimi zonat problematike për momentin është kufiri ndërmjet Shkëmbit të Kavajës-Kovaleshencë, problem tjetër nga zona e Durrësit nuk para kemi. Kemi problemin madhor që qendron, por duhet një investim shumë i madh pastrimi i derdhjes së Lumit Ishëm?, thotë Shpëtim Leka, zv.drejtor i Drejtorisë së Shëndetësisë Durrës.

Ndotja ka regjistruar edhe këtë sezon një numër të lartë shqetësimesh, kryesisht dermatite te pushuesit, veçanerisht te ata që zgjodhën plazhet e zonave bregdetare ku nuk janë ndërtuar ende rrjetet dytësore të kanalizimeve.

?Më problematike si zona janë nga Shkëmbi i Kavajës drejt Golemit ku poshtë kësaj zone për në drejtim të Durrësit është disi më i pastër për shkak të punimeve që janë bërë me impiante dhe bllokimi i derdhjeve në kanal?, deklaron Grei Malo, mjek i urgjencës së Qendrës së Vullnetareve.

E përmiresuar deklarohet nga mjekët situata krahasuar me vitet e shkuara në plazhin e madh të Durrësit.

?Duke e krahasuar me vitet e tjera infeksionet e lëkurës janë në përmirësim të dukshëm, kjo falë masave që janë marrë?, thotë Fari Merollari, mjek i Qendres Shendetesore Plazh, Durrës.

Sipas mjekëve, prania e lartë mikrobiale është përgjegjëse për disa sëmundje të lëkurës, alergji, të vjella apo diarre veçanërisht te fëmijët të cilët shpesh gëlltisin dhe ujë deti duke futur në organizëm një sasi mikrobesh që më pas sjell probleme shëndetësore.

Ky sezon turistik është drejt fundit, por sezoni i ardhshëm vjen shpejt ndaj është koha për të vijuar me masat dhe investimet për të mundësuar pushime më të shëndetshme dhe të sigurta buzë Adriatikut.