E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Kur Kokëdhima prishej me Adrian Thanon për Berishën dhe konflikti me Meron

22 Gusht 2014, 22:11, Aktualitet CNA

Ka një konflikt më të thellë midis tyre. Radhët e mëposhtme përpiqen të hedhin dritë mbi zhvillimet e tanishme dhe të mëpërparshme në rangjet e larta të drejtimit dhe administrimit të medias.

I
Ata që kanë punuar me Koçon tregojnë se marrëdhenia e tij dhe bashkëshortes, Brixhidës me kryeredaktorin e susksesshëm të Gazetës ?Dita? Adrian Thano, nuk ishte thjesht pronar-nëpunës.

Madje thonë se po i hyrë në zemër Koços, ai nuk të trajton si të tillë deri në momentin kur vjen dikush tjetër zë vendin tënd dhe ti shpallesh i padëshiruar, por fillimisht të bëhet një denigrim publik i figurës tënde në mbledhje, të ngjashme me ato mbledhjet e famshme të Byrosë Politike. Thuhet se një mbledhje e tillë i është bërë edhe Thanos para se të largohej pa shumë zhurmë nga ?Shekulli?, zhurmë e tilla kërcëllimën duket se e dha më vonë.
Ngjashëm kanë ikur nga ?Shekulli? edhe Robert Rakipllari, apo më herët akoma, Fatos Lubonja, Mustafa Nano apo Preç Zogaj.
Me largimin e Thanos nga ?Shekulli?, u pa qartë se bashkë me të, kësaj gazete i ikën edhe shumë lexues të tjerë, të cilët ishin mësuar me ngjyrën që i jepte atij gazetës.
Marrëdhënia Thano-Kokëdhima ka nisur heret, madje ka fjalë se ai ka qenë nxënësi i zonjës Kokëdhima kur ajo jepte mësim në një shkollë fillore në Fier.
Rrugët e tyre takohen sërish në vitin 1998 kur Thano kalon në gazetën ?Shekulli?. Që prej atij viti, kush ka shkuar edhe ka ikur nga ?Shekulli? apo ish- A1 i Koços (Tani e ka marre Bolino me qira), e di se Thano ka qenë mik shtëpie i Kokëdhimës deri në fillimin e pranverës së vitit 2012, kur Koço me Thanon u ftohën shumë.
Të paktën atëherë doli publikisht ftohja e tyre, pasi redaksia e ?Shekullit? ziente asokohe nga çarja që po ndodhte midis botuesit dhe shefit të tyre.

Pse u ndanë Kokëdhima dhe Thano ?
Thashetheme ka shumë, nga më banalet deri tek më të mundshmet, por përflitet se shkaku kryesor dhe më i rendësishmi ishte përmbajtja e ?Shekullit? gjatë dhe pas demonstratës së 21 janarit 2011. ?Shekullli? i asaj periudhë nën drejtimin e Thanos ka mbajtur një qendrim të theksuar kundër qeverisë Berisha, aq sa thuhet se e shqetësoi personalisht këtë të fundit. Po ashtu, përflitet se gjatë asaj periudhe Kokëdhimës i ka shkuar një ?mesazh? nga njerëzit e Berishës duke e bërë këtë të fundit të mendohet dy herë për linjën e fortë editoriale të ?Shekullit? në vazhdim.
Rishikim i i saj nuk mund të bëhej me Thanon në krye, i cili njihet si një kryeredaktor i qendrimit të fortë. Thyerja filloi. Shkaqet gjenden rrugës.
Më pas Adrian Thano kaloi tek ?Dita? duke ngritur në staf të v
ogël por funksional, gjë e cila u reflektua edhe në rritje të shitjeve dhe kapje të vendeve të para në tregun e gazetave. Fill pas fitorës së PS-së në zgjedhjet e 23 qershorit, në vëmendjen e ?Ditës? për disa ditë ishte deputeti Kokëdhima. Në atë kohë u lexua si hakmarrje e Thanos ndaj këtij të fundit, por më pas u kuptua se ajo ishte një përplasje midis Erion Velisë dhe Koço Kokëdhimës për më shumë akses tek pushteti i Ramës të saposhpallur kryeministër.

Ndryshe nga përplasja me Thanon, e cila sëfundmi është karakterizuar vetën në drejtimin e gjuajtjeve vetëm nga Koço, ai mes Bazes dhe Kokëdhimës është i një lloji tjetër. Baze nuk ta kursen kur s? ja bën borxh pa le më kur përmendet në intervista. Sëfundmi, Koço ka filluar të bëhet personazh i rubrikës satirike Anetan Brenda Familjes. Emri i saj është vendosur gjatë qeverisjes së Berishës së II-të dhe personazhe në të kanë qenë individët më antipatik të asaj maxhorance. Futja e Kokëdhimës në këtë rubrikë është një tregues se sa e thellë është çarja midis Meros dhe Kokëdhimës.
Kush mendon se konflikti i midis Mero Bazes dhe Koço Kokëdhimës është për shkak të parimeve dhe se ka filluar pas skandalit të sekretarit të Kokëdhimës në Sarandë gabohet. Ai është më i hershëm. Një vit më parë, pak para zgjedhjeve të 23 qershorit Mero do të shkruante fillimisht në profilin e tij në Facebook dhe më pas tek ?Tema?: ?E mora kërcënimin e parë nga Rilindja?, pasi Kokëdhima ishte shprehur se do të merrej më pas me Bazen, sepse ky i fundit e kishte kritikuar në sjelljen e tij.
Për Meron, Koço është një pengesë e lartë për të arritur tek Rama, kurse për Koçon, Meroja është një kritikues i idhët, i bezdisshëm por shumë efektiv. Koço nuk mund ta injorojë fjalën e Meros për aq kohë sa ai ka një ndikim të fuqishëm tek elektorati i majtë. Mero ka një kontribut të rendësishëm në çmontimin e pushtetit të Berishës. Dhe të gjithë këtë e ka arritur vetëm me versionin online të Gazetës ?Tema?. Imagjinoni sikur Mero t?i kthejë të gjitha bateritë e tij nga Koço.
Mero është mësuar në opozitë, madje suksesin e tij si gazetar e ka në opozitë. Mero nuk di të sillet si gazetar në pushtet.
U vu në shërbim të Berishës në fillim ?90 dhe puna më e mirë e tij mbahet mend të jetë super gënjështra tek VOA në ?90 se gjoja një skaf plot me dollar të fajdeve kishte ikur përmes detit në Itali. Qëllimi ishte ndërgjegjësimi i qytetarëve për problematikën e fajdeve. Pas atij lajmi, puna e fajdeve filloi të dreqosej edhe më tepër.
Konflikti Mero-Koço sapo ka filluar.
Duhet parë se si do ta ndajë Rama pushtetin politik dhe për më tepër, atë ekonomik për të mësuar sjelljen e këtyre aktorëve të rendësishëm të opozitës së djeshme. Në të gjjtha përgjigjet e tij Koço ka qenë nënvlerësues për Meron, kurse ky i fundit shumë i idhët ndaj Koços.
Në kushtet kur një pjesë të mirë të ?tortës? e ka marrë LSI-ja, menaxhimi i orekseve të Koços përballë një gazetari të lenë të pakënaqur si Baze do të jetë tepër e vështirë për Ramën.
B.B-Dosja.net