web counter
LEXO PA REKLAMA!

SHKARKO APP

App Store
Google Play

E fundit!

x

Padi Bashkisë Tiranë

21 Gusht 2014, 14:23, Aktualitet CNA

Banorët e zonës së Selitës në kryeqytet prej muajsh po përballen me një situatë të vështirë, për shkak të dëmtimit të sistemit të kanalizimeve. Ndotja e rrugëve, e ambientit, si dhe rreziku për t?u prekur nga epidemitë, ka bërë që banorët e kësaj zone të ngrenë një proces gjyqësor ndaj Bashkisë së Tiranës.

Sipas banorëve të kësaj zonë, rrugët janë mbuluar nga ujërat e zeza, duke e bërë situatën mjaft të vështirë për ta.

Përfaqësia e banorëve të Selitës thotë se do të organizohet një protestë për të mbrojtur të drejtën e tyre për të patur një rrugë me standardet e duhura, duke theksuar se ata paguajnë rregullisht taksat e pastrimit dhe gjelbërimit.
 
?Depozitimi në gjykatë do të mbështetet tek paditë për :
 
A)   Dëm shëndetësor duke sjellë rrezikun për sëmundje te ndryshme deri vdekjeprurëse,
 
B)   Dëm ekonomik që i shkaktohet makinave, bizneseve te zonës dhe uljes së vlerës së banesave si pasojë e mos-asfaltimit të rrugës,
 
C)   Dëm psikologjik për të gjithë banorët e zonës,
 
Nga gjykata do kërkohet detyrimi i Bashkisë së Tiranës të marrë masa urgjente për dizifektimin e zonës, rregullimin dhe asfaltimin e zonës.

Padia do ketë si kërkesë të dytë dëmshpërblim banorët që kanë të hipotekuara banesat dhe bizneset në këtë zonë?, thuhet në reagimin e përfaqësisë së banorëve të Selitës.
 
Sipas kësaj përfaqësie, Selita është një zonë shumë e rëndësishme e kryeqytetit me dendësi të lartë të popullsisë. 





08:29 Aktualitet

Pedofil minoren

Nga Edison YpiAjo që rrëfejnë gazetat për një zyrë partie në...

Lajmet e fundit nga