E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Banka e Shqipërisë tender për forcimin e sigurisë, pas vjedhjes të 7 milion dollarëve

20 Gusht 2014, 14:34, Aktualitet CNA

Banka e Shqipërisë ka vendosur të ri-instalojë nga e para ose të fuqizojë sistemin e rrejtit monitorues dhe kontrollues.

Nuk dihet nëse vendimi ka lidhje me vjedhjen e 7.13 milionë dollarëve nga thesari i Bankës së Shqipërisë apo ky është një proces që institucioni e aplikon në periudha të caktuara.

Banka e Shqipërisë ka publikuar njoftimin e një tenderi të hapur kombëtar me objekt ?Upgrade i infrastrukturës së rrjetit informatik të Bankës së Shqipërisë dhe integrimi i shërbimeve ekzistuese? .

Për realizmin e këtij përditësimi të sistemit mbikqyrës, Banka ka vendosur një fond limit prej 35.799.000 lekë. Sipas njoftimit, Banka e Shqipërisë pranon oferta deri në 11 shtator, kohë në të cilën do të hapet edhe tenderi.

Supervjedhja e 713 milionë lekëve nga thesari i bankës qendrore nxorri në pah problemet me sistemin e kontrollit dhe monitorimit përmes kamerave të sigurisë.

Prokurorët që po hetojnë vjedhjen më të madhe në historinë e Bankës, kanë në dispozicion vetëm pamjet filmike të kamerave të sigurisë për 40 ditët e fundit të muajve maj-qershor, ndërkohë që organit të hetimit i mungojnë të dhënat filmike për periudhën nga viti 2011 e deri në maj 2014, pamje të cilat do t?i jepnin hetuesve përgjigje të mbështetur në prova për mënyrën se si u vodhën 713 milionë lekë.

Ndërkohë hetimet për zbardhjen e supervjedhjes nga thesari i Bankës së Shqipërisë vijojnë nga prokuroria. Por zëvendësimi i avokatit mbrojtës të ish-drejtorit të thesarit të Bankës së Shqipërisë Dorian Çollaku ka shtyrë marrjen në pyetje nga ana e grupit të prokurorëve të një prej të arrestuarve në lidhje me skandalin që përfshiu bankën qendrore.

Pyetja e Çollakut ishte planifikuar të bëhej në ambientet e paraburgimit 313 në kryeqytet ku sëbashku me prokurorin do të ishte i pranishëm dhe avokati i tij mbrojtës Mark Pëllumbi.

Avokati Pllumbi është paraqitur në ambientet e prokurorisë në orët e para të mëngjesit ku ka dorëzuar pranë prokurorit prokurën e përfaqësimit të Çollakut dhe kërkesën për shtyrje të marrjes në pyetje të klientit të tij për tu njohur më në detaje me dosjen hetimore.

E ndërsa të arrestuarit për skandalin e vjedhjes së thesarit kanë apeluar masat e sigurisë, deri në këto momente të vetmit që nuk kanë kërkuar të ndryshojë arresti me burg dhënë ndaj tyre janë dy punonjësit e magazinës së parave në objektin X-88 në Linzë, Ardian Bitraj dhe Mimoza Bruzia.

Në dëshmitë e tyre për grupin hetimorë Bitraj dhe Bruzia janë të vetmit të arrestuar që kanë pranuar të kenë dijeni për vjedhjen, e teksa Bitraj pranon autorësinë duke shpjeguar se gjithçka e ka kryer i vetëm Bruziaj ka thënë se nuk kam treguar pasi ndjehesha e frikësuar.

Burime nga Prokuroria e Përgjithshme bënë të ditur se para datës 26 Gusht 7 ish-punonjësit e bankës do të dalin për vlerësimin e masës së sigurisë në Gjykatën e Apelit.

Njëherazi për vjedhjen janë duke u kryer dhe hetime pasurore tek të arrestuarit apo të afërmit e tyre.