web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria formulon akuzat ndaj sekretarit të Koco Kokëdhimës

18 Gusht 2014, 12:36, Aktualitet CNA

Prokuroria ka formuluar akuzat ndaj Agron Cane, sekretarit të deputetit socialist Koco Kokëdhima, i cili u përfshi në një skandal në qytetin e Sarandës pasi i kërkonte një nëne favore seksuale nga vajza e saj 14 vjecare për ti gjetur një vend pune.

Organi i Prokurorisë ka ngritur dy akuza ndaj Canes, ushtrim i ndikimit të paligjshëm për një vend pune dhe abuzim dhe ngacmim seksual.

60 vjecari Cane, një ish-ushtarak, u arrestua nga Policia e Shtetit pas denoncimit të video skandalit dhe pritet që ditës së martë të njihet me masën e sigurisë nga Gjykata.

Seanca e masës së arrestit do të kryhet në Gjykaten e rrethit Sarandë, ndërsa Cane ndodhet i siguruar në ambientet e izolimit të komisariatit të këtij qyteti.

Shoqërimi është kryer mesnatën e të premtes duke u gdhirë e shtuna, ndërsa procedurat e lejonin shtyrjen e seancës për në orët e paradites së të martës.

Shtyrja e seancës mësohet se është bërë nga  mosposedimi i videos së regjistruar dhe të publikuar në media të ketij skandali.

Masa e arrestit me burg që pritet të kërkohet nga Prokuroria në seancën e të martës në gjykate është kundërshtuar nga avokati mbrojtës si e jashtëligjshme, për faktin se në përgjim nuk ka elemente të veprës penale dhe se vetë përgjimi është i jashtëligjshem përsa kohë nuk është kryer konform rregullave ligjore.





Lajmet e fundit nga