web counter
LEXO PA REKLAMA!

SHKARKO APP

App Store
Google Play

E fundit!

x

Dritero Agolli: Do na akuzojë majmuni, do na thotë: o bij, si nuk u bëtë ende njerëz

12 Gusht 2014, 08:33, Aktualitet CNA

Shkrimtari Dritëro Agolli ka komentuar përmes një interviste në GSH çështjen e vjedhjes në Bankën e Shqipërisë.

Teksa shprehet se në Shqipëri të gjitha institucionet edhe individët vjedhin, sipas tij, vjedhja në Bankën e Shqipërisë është si në romane.

?Kjo e fundit ishte vjedhje si në romane. Për ne që shkruajmë, për shkrimtarët ku hyj dhe unë, kulmi është ky. Kjo ngjarje e arrin kulmin e korrupsionit, kulmin e vjedhjes dhe të shkeljeve. Situata është shumë e rrezikshme, pasi krijon pasiguri në popull, e jo vetëm tek ata që kanë lekë në banka. Një njeri i thjeshtë, që nuk i ndërlikon shumë idetë, mund të mendojë që pas kësaj ngjarje, është më mirë të mos vërë para në banka, pasi nëse një vjedhje e tillë bëhet në Bankën e Shqipërisë, në një institucion aq të rëndësishëm, çfarë ndodh me të tjerat? Ju prisni të ketë ndikime? Situata ndikon, qoftë nga ana materiale, qoftë nga ana psikologjike. Ka trishtim të madh! Ka pasiguri?, shprehet Agolli.

?Guvernatori dhe të tjerët po shkelin një bankë të tërë. Le të përgjigjet, le të marrë fajin mbi supe, edhe pse është e vështirë ta marrësh fajin përsipër se do të arsyetosh, do më numërojnë vitet që isha këtu apo ku i kam dërguar fëmijët etj?.

Ai gjithashtu sugjeron që dikush duhet të ketë kontroll mbi Bankën e Shqipërisë.

?Shteti nuk ndërhyn në Bankë, por kjo nuk duhet të jetë kështu, duhet edhe në Kushtetutë të përcaktohet që Banka varet nga dikush?, nënvizon Agolli.

?Ne duhet të mësojmë të pranojmë fajin, më shumë se sa ta justifikojmë atë. Po të arrijmë këtë, do bëhemi njerëz të vërtetë në mendje. Do na akuzojë majmuni (i cili është paraardhësi ynë), do na thotë: o bij, si nuk u bëtë ende njerëz??





Lajmet e fundit nga