web counter
LEXO PA REKLAMA!

SHKARKO APP

App Store
Google Play

E fundit!

x

Komunitetet fetare në Shqipëri kundër ISIS: Të ndalet dhuna ndaj të krishterëve e myslimanëve

11 Gusht 2014, 14:18, Aktualitet CNA

Komunitetet shqiptare në Shqipëri kanë reaguar ndaj dhunës barbare të terroristëve të ISIS në Irak.

Këshilli Ndërfetar i Shqipërisë dhe anëtarët e tij; Komuniteti Musliman i Shqipërisë, Kisha Ortodokse Autoqefale e Shqipërisë, Kisha Katolike e Shqipërisë, Kryegjyshata Botërore Bektashiane dhe Vëllazëria Ungjillore e Shqipërisë, thonë se duhet ndalur dhuna dhe përndjekja e besimtarëve.

?Ne po ndjekim me shqetësim situatën, që po ndodh këto ditë në Lindjen e Mesme, në mënyrë të veçantë përndjekjen kriminale, që terroristët e ISIS në Irak po ushtrojnë ndaj popullsisë lokale të krishterë, madje edhe ndaj muslimanëve dhe minoriteteve të tjera, e në mënyrë mizore përndjekjen dhe dëbimin e detyruar me dhunë të të krishterëve irakenë dhe të irakenëve të feve të tjera, prej vendit të tyre.

Ne dënojmë me forcë akte të tilla kriminale, që nuk kanë asgjë të përbashkët me parimet themelore të besimeve tona.

Në emër të Zotit kërkojmë të ulen armët e të kërkohet paqe dhe bashkëjetesë. I bëjmë gjithashtu apel faktorit ndërkombëtar, që të gjejë zgjidhjet e duhura në mënyrë që të ndalet fenomeni i largimit dhe i shpërnguljes me dhunë të banorëve të Mosulit dhe të rrethinave, për shkak të besimit të tyre. Ne besojmë ngultësisht, se e drejta e besimit është një e drejtë themelore e njeriut. Ne i gëzohemi kësaj të drejte në Shqipëri dhe një realiteti, që besimet fetare kanë ndërtuar e vazhdojnë të ndërtojnë me shumë mund në vendin tonë.

Ne shprehim solidaritetin tonë me të gjithë ata që vuajnë, jo vetëm në Irak, por në të gjitha vatrat e konfliktit në Lindjen e Mesme, e u sigurojmë atyre lutjen dhë afërsinë tonë shpirtërore?, thuhet në deklaratën e tyre./ Tema





Lajmet e fundit nga