E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Veliaj: Arsimi profesional eshte zgjidhja

7 Gusht 2014, 10:21, Politikë CNA

E ardhmja e tregut të punës është në arsimin profesional. Kështu u shpreh ministri i Mirëqënies Sociale dhe Rinisë Erion Veliaj gjatë një bashkëbisedimi me të rinj, në një nga zyrat e Punës në Tiranë. Ndërsa përshëndeti reformën e Qeverisë në fushën e arsimit të lartë, Veliaj sugjeroi që edhe sipërmarrësit e universiteteve të cilëve u është hequr liçensa, do të ishte më mirë që të orientohen drejt tregut të arsimit profesional.

?Ne jemi të majtë dhe nuk e fshehim dhe besojmë në dallim nga neoliberalët që dora e fshehtë e tregut nuk mund të rregullojë gjithçka, dhe këtë e pamë me krizën financiare të disa vendeve, çka tregoi se ka nevojë për dorën e shtetit. Dhe kjo vlen edhe për arsimin. Shqipëria diplomonte mijëra studentë në vit, por nuk ka treg pune për të gjithë. E kuptoj që për disa është një lajm i keq, por është diçka e drejtë. i dha fund një utopie. Një nga alternativat që kemi propozuar, është të kalojnë në tregun e arsimit profesional sepse e merr në qafë dikë që studion në një fushë pa perspektivë se sa një zanat të mirëfilltë. Më vjen mirë që pas shokut të fillimit, shumë nga sipërmarrësit kanë një mundësi në tregun e zanateve dhe kurseve profesionale?, theksoi ministri Veliaj.

Sipas Veliajt, në Shqipëri ka një mungesë të thesuar të krahut të punës në ndonjë zanat të caktuar, ndërsa në rajon 70% e studentëve orientohen drejt arsimit profesional. Kjo sipas ministrit, ka bërë që shumë nga kompanitë e mëdha të investojnë në këto vende, pasi ekziston edhe tregu i punës.

Veliaj nënvizoi se edhe investitorët shqiptarë janë të detyruar të marrin specialistë të huaj, për të njëjtën arsye të mungesës së krahut të punës, dhe për këtë ministri iu referua edhe gazsjellësit TAP.

?Të shikojmë pak rajonin. Në kohë fushatash të gjithë flasin për investime, dhe të mos krahasohemi me SHBA, por me Maqedoninë, Serbinë dhe Malin e Zi. Na rezulton se shumë kompani shkojnë tek këto vende se 70% e nxënësve shkojnë në arsim profesional. Sot nëse vijnë këtu ne nuk kemi krahë pune. Kjo do të thotë se përpara se të fillojmë një garë patetike mes politikanëve për investime të fillojmë një ndryshim që këtu. Në fakt s?dua të habitemi fare se vendet që nuk patën krizë, janë Gjermania Austria dhe Zvicra. Këto vende kanë 70% të studentëve në arsime profesionale. Të gjithë kërkojnë që shteti të jetë garant i jetës së njerëzve, por shteti si shteti që siguron punësim 100% nuk ekziston më. Marrja e njerëzve në qafë mbaron këtu, duhet t?u mësojmë njerëzve një zanat. Shumë prej operatorëve privatë janë të suksesshëm në këtë arsim profesional. Biznesmenët shqiptarë janë të detyruar të punësojnë specialistë të huaj dhe jo shqiptarë se nuk kemi krah pune të tillë. Sot në Shqipëri janë 90 mijë italianë që punojnë. Në projektin e gazsjellësit TAP shumica e punëtorëve janë italianë, sepse ne nuk kemi krah të mjaftueshëm pune. Vetëm duke lexuar këto shenja arrin të kuptosh se çfarë politikash duhet të ndjekim. E para ishte mbyllja e universiteteve që nuk siguronin asnjë garanci?, tha Veliaj.

Në vijim ministri i Mirëqënies Sociale është ndalur në abuzimet që kanë ndodhur me ndihmën ekonomike, ndërsa vuri theksin në digjitalizimin e sistemit duke i dhënë fund abuzimeve.

?Me ndihmën ekonomike është abuzuar jo vetëm financiarisht, duke i dhënë para nga buxheti i shtetit njerëzve që nuk e meritojnë, por gjithashtu ishte krijuar idea e një pensioni të detyrueshëm për mjaft individë. Dikush u mërzit shumë që ia hoqëm ndihmën ekonomike dhe tha se kishte 15 vjet që e merrte. Ai ishte 42 vjecc dhe që në moshën 27 vjec kishte nisur marrjen e ndihmës ekonomike. Po kështu, ndihma ekonomike iu është dhënë personave që kan pasur dyqane me qera, vila tre katëshe, automjete luksoze, prona apo punë me të ardhura 600 apo 700 mijë në muaj?, tha Veliaj.

Në këtë kuadër ai përmendi edhe abuzimet me fondet për shtresat në nevojë, duke u ndalur tek të verbërit.

?Përfitonin ndihmë si persona të verbër edhe ata që mbanin size, pra një individ që nuk shikonte mirë, kishte size, por nuk ishte i verbër, merrte ndihmë ekonomike?, tha Veliaj.