E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Prezantohet Lungomare

5 Gusht 2014, 23:35, Politikë CNA

?Projekti, frut i një ndërveprimi mbresëlënës mes një studioje të famshme ndërkombëtare dhe një studioje shqiptare?.

Kështu shkruan në rrjetin social Twiiter Kryeministri Edi Rama, ndërsa ishte i pranishëm në Vlorë ku u prezantua projekti i vijës bregdetare të këtij qyteti i quajtur ?Lungomare?. ?Lungomare? është prezantuar në mbrëmje për qytetarët në sheshin ?Pavarësia? të Vlorës.

Ndërsa morri fjalën në prezantimin e projektit Lungomare, Kreu i Qeverisë theksoi se projekti na siguron një cilësi krejt të re të vizionit për Vlorën dhe Shqipërinë e shekullit të ri dhe na garanton një nivel relazueshmërie absolutisht të plotë. Rama e cilësoi projektin të thjeshtë, por dhe të mrekullueshëm, ndërsa shtoi se ai mishëron nevojat dhe aspiratat në një kornizë të vetme.

?Kemi një projekt të realizuar në një kohë rekord të realizimit të vijës së parë të bregdetit nga Porti deri tek Tuneli. Kjo është pjesa më prezantuese e qytetit dhe e gjithë krahinës. Ky projekt përkon me fillimin e një transformimi tërësor që nis me ndarjen e re administrative. Bashkia e Vlorës shtrihet në një territor shumë të gjerë, dhe vija bregdetare e Jonit nis në Vlorë, shkon në Himarë dhe përfundon në Sarandë. Ky projekt, si dhe ndarja e re territoriale, do të kenë një ndikim mjaft pozitiv në zhvillimin e blegtorisë dhe bujqësisë, dhe si rrjedhim edhe turizmit?, theksoi Rama.

Në vijim ai theksoi se ky projekt është një potencial shumë më i madh integrimi dhe zhvillimi, sidomos pas lidhjes së 3 bashkive të mëdha, Vlorës, Himarës dhe Sarandës.

Referuar aksionit mbi prishjen e ndërtimeve pa leje në vijën bregdetare, Rama tha se hoqëm mbi 45 mijë tojë mbeturina inerte dhe kemi çliruar 95 mijë metra katrorë sipërfaqe, e cila me projektin e Lungomares do të nisë të shijohet nga komuniteti duke filluar nga vjeshta e vitit të ardhshëm.

Duke iu rikthyer ndarjes së re territoriale, Kreu i Qeverisë tha se përmes saj garantohet administrativisht edhe një integrim shumë më i plotë mes pjesës së Shqipërisë që banon buzë detit dhe asaj që banon më në thellësi.

?Ky projekt ka një rëndësi të posaçme dhe një rëndësi të veçantë do ti japim zbatimit të tij. Duke iu referuar edhe ndarjes së re administrative ne do të aplikojmë projektet në zinxhir duke garantuar zhvillimin. Kemi bashki shumë të rëndësishme jo vetëm nga potencialet por edhe nga përgjegjësia. Në këtë aspekt ne kemi një plan shumë të qartë, po punojmë intensivisht për të bërë të mundur që në harkun e 3 viteve të ardhshme, të nisim zhvillimin e vijës bregdetare. Ndërhyrje tjetër shumë shpejt do të nisë, është projekti i ndërtimit të disa fushave sportive pranë shkollave në Vlorë, që është një tjetër projekt që transformon sistemin parauniversitar në qytet dhe më pas në gjithë bashkinë e Vlorës?, theksoi Rama.

Në fjalën e tij, Kryeministri nuk ka lënë pa përdorur batutat në drejtim të komunitetit, për të cilin tha se nuk shquhet shumë për durimin, por fakti se duruan kaq gjatë në prezantimin e Lungomare tregon se keni vlerësimin më të mirë për projektin.

Lungomare u shfaq për qytetarët nëpërmjet një ekrani të madh ku shfaqeshin imazhet e projektit, ndërsa qytetarët morën edhe mesazhin e Kryeministrit Rama, bërë muaj më parë për këtë vepër, që ai e konsideronte si ?siparin e ?Rilindjes? për Vlorën?.

Arkitekti i firmës belge tha në fjalën e tij se kemi arritur në përfundimin e fazës së parë të projektit që shkon deri tek porti.

?Ne kemi kryer katër dëgjesa publike për mjedisin. Tani ne po mendojmë pjesën e dytë nga porti deri tek Pylli i Sodës?, theksoi ai.

Më pas, arkitekti belg ia la fjalën, kolegut të tij shqiptar të studios locale, i cili sqaroi se në fillim, është bërë një analizë e qytetit të Vlorës, që lind larg detit. ?Ky projekt zgjidh marrëdhënien ndërmjet detit dhe qytetit?, sqaroi ai.

Ndërkohë përfaqësues të Ministrisë së Turizmit sqaruan se projekti për rijetëzimin e kësaj vije nga këtu deri tek tuneli ka përfunduar me të gjitha detajet dhe është gati për t?u realizuar.

?Para se të fillojnë punimet e zbatimit dhe sikurse premtuam, erdhëm sërish para jush për të prezantuar me deatje sesi do të transformohet ky segment i vijës bregdetare. Sot kemi mes nesh dy studio profesioniste, që kanë bashkëpunuar midis tyre për të realizuar projektin e detajuar të kësaj faqe dhe vazhdojnë të punojnë ndërkohë për të përfunduar detajimet e projekti të dytë që shtrihet nga këtu deri ën zemër të pyllit të Sodës. Përshkrimet e detajuara do t?i dëgjojmë direkt prej tyre dhe projektin do të keni mundësinë ta merrni edhe me vete nëpërmjet materialeve hulumtuese?, sqaruan përfaqësuesit e Ministrisë.