web counter
LEXO PA REKLAMA!

SHKARKO APP

App Store
Google Play

E fundit!

x

Tahiri pa koment per Tom Doshin

5 Gusht 2014, 11:36, Politikë CNA

Ministri i Brendshëm Saimir Tahiri ka shmangur komentet për akuzat e deputetit socialist Tom Doshi.

I pyetur nga gazetarët gjatë një vizitë në Drejtorinë e Policisë së Shkodrës, qark ku Doshi është deputet, ministri tha se objektiv i punës së tij mbetet lufta kundër krimit të organizuar dhe korrupsionit.

?Nuk kam asnjë koment. Unë jam shumë i vendosur të bëj punën time dhe të vazhdoj luftën kundër krimit dhe korrupsionit?, deklaroi Tahiri.  

Kreu i Ministrisë së Brendshme kreu një vizitë inspektuese në qarkun verior, i shoqëruar nga përfaqësuesi i delegacionit të BE-së në Tiranë Clive Rumbold, Drejtori i Policisë Artan Didi dhe zv/ministrja e Brendshme Elona Gjebrea.

?Erdha në Shkodër jo vetëm për të vlerësuar rezultatet në luftën kundër krimit të organizuar, por edhe për t?i nxitur që këto rezultate t?i konsiderojnë një pikënisje për rezultate më të mëdha në vijim?, u shpreh ministri pas analizës me strukturat lokale të policisë.

Ai veçoi angazhimin e Policisë së Shkodrës në luftën kundër narkotikëve, ku janë asgjësuar mbi 46 mijë rrënjë kanabis.

I pyetur nga mediat për masat e policisë për sezonin turistik, ministri tha se angazhimi i 100 % i efektivëve është njëra ndër to.

?Kemi thjeshtuar në maksimum procedurat për turistët që vijnë në Shqipëri, duke garantuar kufij të hapur por të sigurt për turistët?, nënvizoi Tahiri.





Lajmet e fundit nga