E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Mbyllen disa universitete dhe shkolla të larta private e publike

4 Gusht 2014, 13:36, Politikë CNA

Pezullim liccencash dhe mbyllje të aktiviteteve të disa prej shkollavetë larta dhe Universiteteve private.

Është ky propozimi që i është përcjellë Qeverisë përmes raportimit të bërë publik sot mbi verifikimin e kritereve të ligjshmërisë në Institucionet e Arsimit të Lartë, publike e private në vend.

Në prani të Kryeministrit Edi Rama, ministers së Arsimit Lindita Nikolla dhe drejtuesve të tjerë të ministrisë së Arsimit, u paraqitën disa nga gjetjet e kontrolleve të kryera, si dhe masat e propozuara për zgjidhjen e situatës.

Ministrja e Arsimit Lindita Nikolla tha se ?treguesit e gjëndjes së arsimit në Shqipëri ishte e tillë që ne nuk duhet të përsërisnim modelin e mëparshëm?.

?Këto dokumenta që mbaj në duar dhe raport është simbol i një pune të madhe dhe ndryshimi që ndodh për herë të parë në vend. E përsëris, kemi verifikuar vetëm kriteret e ligjshmërisë, ende nuk kemi filluar me verifikimin e cilësisë që ofrojnë këto?, deklaroi Nikolla.

Në raportin e ligjshmërisë sqarohen edhe arsyet e reduktimit të kuotave sikurse edhe heqja e disa programeve të studimit apo edhe pezullimi i pranimeve në ciklin e parë të studimeve?

Kryeministri Rama nga ana e tij duke i cilësuar këto institucione si ?skema piramidale? shprehu keqardhjen për investimin e familjeve për fëmijët e tyre në këto shkolla.

?Qeveria e mëparshme blente qetësi me paratë e prindërve duke i nisur të gjithë që të paguajnë gjithcka kanë për të shkuar në universitet dhe duke i ushqyer fëmijët me iluzionin se po bëhen inxhinierë, doktorë, juristë e me radhë dhe nuk gjendej përballë kërkesën për punësim?, tha Rama.

Ndërkohë ai u shpreh se në Universitetet që do të mbyllen, studentët do të kalojnë në Universitete të tjera private apo Publike, në degët ku ata po studiojnë, duke u vlerësuar edhe në bazë të krediteve që kanë marrë deri më tani, në universitetet që mbyllen për shkak të mosplotësimit të kritereve.

Kryeministri Rama u shpreh se pamja që ndeshim nuk lë vend për kënaqësi por ngjall trishtim dhe revoltë.

?Trishtim për mijëra familje që kanë investuar kursimet e tyre për t?i dhënë fëmijëve shkolla, por që i kanë derdhur paratë në këto skema piramidale?, u shpreh Rama.

Sipas tij, pavarësisht se kanë qenë të vetëdijshëm për të gjithë këtë situatë në Arsim e Lartë rezultatet e këtij kontrolli bazuar në legjislacionin në fuqi janë absolutisht rrëqethëse.

Për kryeministrin Rama është një rekord numri i lartë i profesioneve apo nënprefesione universitete plot 1432.

?Një tjetër rekord në evropë, por mbase edhe botëror është se në 15 degë, nota mesatare e të regjistruarve është nën 5,5.?, u shpreh Rama.

Abuzimi sipas Ramës shkon akoma edhe më tej ku janë dhënë 900 diploma për të huaj ndërkohë që nuk japer asnjë lëndë në gjuhë të huaj, apo kur ka rezultuar se ka studentë që e kanë paguar studimin me dru zjarri.

?Kemi arritur që të kemi regjistra kombëtar ku thuhet se 10 diploma i ka tërhequr shefi?, tha Rama

Një tjetër fakt për degjenerimin e universiteteve është edhe profesionalizmi i pedagogëve që shpesh nuk kanë nivelin e duhur. Një shembull që ka dhënë Rama është se në Elbasan janë 6 persona që kanë vetëm diplomën bachelor dhe janë punësuar si pedagogë në një universitet privat.

Propozimi për heqje licence

Akademia e studimeve të aplikuara Durrës
Akademia Pedagogjike Tiranë
Shkolla e Lartë ?Nëna Mbretëreshë Geraldinë
Shkolla e Lartë ?Amerikane e Tiranës?
Shkolla e Lartë Ndërkombëtare e Tiranës
Kolegji Profesional i Sporteve Fier
Shkolla e Lartë ?Iliria?
Kolegji Profesional ?Argent? Shkodër
Kolegji Profesional ?Medicon
Shkolla e Lartë private e ?Edukimit?
Universiteti ?Elite Justiniani I?
Universiteti ?Planetar i Tiranës?
Universitetit ?Kristal?
Universiteti ?Vitrina?
Universiteti ?Gjon Buzuku? Shkodër
Akademia e Ndërtimit Tiranë

Pezullim të aktivitetit

Albanian University
Wisdom University
Kolegji profesional Ivoclar Vivadent & Partners
Akademia Profesionale e Biznesit
ISAT
Kolegji Profesional ?New Generation?
Pavarësia ?Vlorë?
Hëna e plotë BEDER
Logos
Justicia
Sevasti dhe Parashqevi Qiriazi
Instituti Kanadez i Teknologjisë
Aldent

Vijim aktiviteti me kushte

Universiteti Europian i Tiranës
Zoja e Këshillit të Mirë
?Luarasi?
?Marubi?
?Marin Barleti?
?New Yourk?
?Metropolitan?
?Epoka?
?Polis?
Shkolla e Lartë private Mesdhetare e Shqipërisë
Akademia e Studimeve të Aplikuara Reald
Shkolla e Lartë ?Nehemia?
?Tirana Bisness University?