PD: Me Edi Ramën krimi gjykon gjykatësit, jo gjykatësit krimin

2 Gusht 2014, 11:03, Politikë CNA

Deputeti Halimi denoncon kapjen dhe gjunjëzimin e sistemit gjyqësor me projektin e Edi Ramës, kundër gjithë thirrjeve të partnerëve ndërkombëtarë, profesionistëve dhe opozitës së vendit

Dy dite më parë, Rama dhe Meta, urdheruan të gjithe deputetet e tyre të votonin paketen e ligjeve për drejtesine, për gjykatesit e vendit, me arrogacë të plote dhe duke shpërfillur thirrjet e partnerëve ndërkombëtare.

Delegacioni i Bashkimi Europian në Tirane, Komisioni Europian ne Bruxel, ambasadore të vendeve të BE në Tirane, SHBA dhe OSBE i kërkuan hapur dyshes Rama-Meta që të mos miratonin asnjë ligj në fushen e Drejtësise, pa konsultim, gjithëpërfshirje dhe bashkëpunim me aktorët e sistemit dhe faktorin ndërkombëtar nen udheheqjen e ekspertizës europiane që mberrin në shtator ne Tirane. Të gjithë i bënë thirrje Edi Ramës që të respektojë parimet dhe standartet euroatlantike, dhe se ligjet nuk bëhen për individë dhe nuk bëhen me nxitim e brenda natës.

Të gjithë i kërkuan hapur Edi Ramës që të mos miratojë ligje të tilla si ai për KLD, i cili nuk sjell permiresimin e luftes ndaj korrupsionit ne gjyqesor, por kercenimin e funksionimit të ketij institucioni dhe sistemit gjyqesor ne pergjithesi. Qe synon jo largimin e gjyqtareve devijante e te korruptuar, por të kapë KLD dhe ta kthejë atë në aneksin e PS, sic ishte deri 8 vjet më parë, me përbërje të eksponenteve më të lartë të PS dhe te bandave kriminale më të egra ne vend; ku promovimet e gjyqtareve ishin peng i korrupsionit politik apo shumave marramendese të parave në shkembim të votes në atë këshill. Ku emerimet e kryetareve të gjykatave i bënte ministri i partise, nën urdherat politike apo te bandave me kriminale në vend të faktuara këto me interceptimet e agjensive te huaja ligjzbatuese te kohes. Ligje që synojne qartë të gjunjëzojnë sistemin gjyqësor, duke pezulluar automatikisht cdo gjyqtar që do të kallëzohet nga policia politike socialiste e Edi Rames, apo të lincohet dhe gjykohet në gjyqet politike të përjavshme të Grupit parlamentar të partisë së Edi Ramës.

Ligje si ai ku emerimet e ndihmesve te gjyqtareve të gjykates administrative do ti bëjë Edi Rama. Kush është ai shqiptar, ai biznesmen që do të besojë më, se ka nje sistem gjyqësor të pavarur nga qeveria, kur ndihmesit e gjyqtareve do ti emërojë vetë qeveria?

Ligjet e miratuara me nxitim nga Rama dhe Meta janë kryekeput në kundërshtim flagrant, me parimet më themelore te sistemit demokratik të ndarjes dhe kontrollit të pushteteve, në kundërshtim të hapur me Kushtetuten e vendit, vendimet e Gjykatës Kushtetuese, me Konventen Europiane të të Drejtave të Njeriut dhe Deklaratën Universale të të Drejtave dhe Lirive Themelore të Njeriut të OKB, që mishërojnë dhe garantojnë parimin universal të pavarësisë së sistemit gjyqësor nga politika dhe prezumimit të pafajësisë.

Ndaj per keto arsye, të gjithë, ishin kundër kësaj pakete, dhe kërkuan qartë mosmiratimin e saj para se te vinin ekspertet nderkombetare.

Por, miratimi i kesaj pakete në rrugen më të gabuar, me nxitim, arrogance dhe injorim të plote të thirjeve të ndërkombëtarëve, aktorëve të drejtesise dhe opozitës së vendit, me një përmbajtje tërësisht antieuropiane dhe antidemokratike, nxori në dritë të diellit fytyren e vërtetë të Edi Ramës para qytetareve shqiptare por dhe para partnerëve ndërkombëtare si njeri autoritarist i skajshëm që nuk pyet per ligj, Kushetetute dhe për askend mbi tokë.

U tregoi qartë partnereve ndërkombetare se nuk do t?ia dijë për ta dhe injoroi hapur dhe me arrogance thirjet e tyre, pa asnje shpjegim dhe argumentim publik.

Edi Rama tregoi qartë fytyren e vërtetë, se: Partine Socialiste ia ka dorezuar krimit; parlamentin e vendit, ia dorezoi krimit; qeverisjen e vendit, ia dorezoi krimit dhe drejtësinë ua serviri ne tavoline krimit. Baronët e drogës dhe krerët e bandave më të rrezikshme në vend, të kërkuar ndërkombetarisht nga shume shtete të BE, po i liron përditë me angazhimin e vet personal, dhe po ia pastron dosjet e krimit duke i rikthyer në aktivitet kriminal nga jugu ne veri.

Shqipërinë po e kthen sërish atje ku ishte 9 vjet me parë, strehë të bandave dhe krimit të organizuar të cilëve u serviri tashmë në tryezë gjithe sistemin gjyqësor.

Edi Rama e tregoi qartë fytyren e tij para të gjithe partnereve nderkombetare se ne Shqiperi po ndodh e paimagjinueshme: jane njerezit e krimit ne parlament ata qe vendosin per gjykatesit e vendit dhe jo gjykatesit e vendit per njerezit e krimit ne parlament. Se në Shqipëri nuk vendos dhe nuk sundon ligji dhe gjykatësit për krimin, por sundon krimi dhe vendos krimi për gjykatësit e vendit.

Ndaj dhe Partia Demokratike është e alarmuar mbi kercenimin serioz qe po i behet kapjes politike dhe kriminale të sistemit gjyqësor dhe gjithe shtetit, por është më e vendosur se kurrë për të ndalur me cdo mënyrë dhe mjet demokratik revanshin oligarkik të Rames dhe Metës për gjunjëzimin e institucioneve dhe te sistemit gjyqesor.

Partia Demokratike është e vendosur për një luftë pa asnjë kompromis ndaj krimit të organizuar dhe bandave kudo që ato ndodhen.