web counter
LEXO PA REKLAMA!

SHKARKO APP

App Store
Google Play

E fundit!

x

Rama: Jemi votuar për të udhëhequr

1 Gusht 2014, 12:03, Politikë CNA

Kryeministri Edi Rama shprehu vendosmërinë për realizimin e të gjitha reformave për të cilët shqiptarët më 23 Qershorin e 2013 mandatuan Aleancën për Shqipërinë Europiane për të qeverisur vendin. Në një komunikim me mediat nga selia e Këshillit të Ministrave, Rama theksoi se Qeveria dhe mazhoranca kanë marrë një mandat për të udhëhequr dhe jo për të pritur, ndërsa llogaridhënien për mënyrën sesi qeveris e ka përballë shqiptarëve.

Duke iu përgjigjur interesimit të mediave në lidhje me faktin se miratimi i reformës territoriale u bë pa votat e opozitës, Kreu i Qeverisë theksoi se ndarja e re administrative nuk u miratua me votat e PD, e cila nuk ka monopolin e opozitës.

?Partia demokratike është partia më e madhe opozitare, por ajo nuk ka monopolin e opozitës. Në Kuvend ishin deputetët e partisë së dytë më të madhe opozitare, të cilët dhanë një kontribut shumë të madh në miratimin e kësaj reforme. Kam keqardhje për Partinë Demokratike, e cila nuk u bë pjesë e këtij procesi, ne e pritëm deri në minutën e fundit, por nuk kemi ndërmend të mos realizojmë objektivat tanë për faktin se duhet të presim pa fund. Ne kemi marrë mandatin për të udhëhequr dhe jo për të pritur?, theksoi Rama.

I pyetur nëse Qeveria ndjehej më e fuqishme në Kuvend pasi 5 deputetë të PDIU bashkuan votat me ?Aleancën për Shqipërinë Europiane?, Kryeministri sqaroi se fuqinë e Aleancës për Shqipërinë Europiane nuk e llogariste me numrat në Kuvend, por me 1 milionë votat që shqiptarët ia dhanë për të qeverisur dhe shërbyer.

?Kjo nuk është një shumicë me 84, 85 apo 88 vota, por është një shumicë me 1 milionë vota?, tha Rama.

I pyetur në lidhje me një vendim të mundshëm të PBDNJ për tu larguar nga koalicioni qeveritar, Rama tha se Vangjel Dulen e ka dhe do ta ketë mik pavarësisht koalicionit ku është apo do të jetë.

?Së pari, Vangjel Dulen unë nuk kam bërë mik në koalicionin qeverisës. E kam pasur mik më parë pavarësisht se në ç?koalicion ka qënë e do ta kem mik gjithmonë, pavarësisht se në ç?koalicion do të jetë. Natyrisht që do të isha i keqardhur nëse një reformë historike, me të cilën duhet të ndjehet mirë çdo shtetas shqiptar, jo vetëm shtesa shqiptar me kombësi shqiptare, por edhe shtetas shqiptar me kombësi greke, të ishte sebep për t?u larguar nga koalicioni. Sepse do të ishte në rastin më të mirë, mungesë objektiviteti në vlerësimin e një reforme që do të ndryshojë përgjithmonë Shqipërinë. Nga ana tjetër, ne jemi në një koalicion, jo në një kazermë dhe subjektet e koalicionit kanë këndvështrime që jo gjithmonë përkojnë me njeri tjetrin dhe në këtë rast këndvështrimet tona ishin të papërputhshme, sepse për ne ka qënë dhe mbetet e qartë se Himara nuk është çështje më shumë se ç?është Tropoja, Dibra, Shkodra, Durrësi,Tirana, Elbasani, Korça dhe të gjitha bashkitë e tjera të Shqipërisë. Në këtë pikë nuk ka asgjë më shumë për të shtuar por dua të shtoj se me reformën e djeshme, Shqipëria jep një shembull të shkëlqyer për të gjithë fqinjët dhe si një vend europian në Europë, se garanton në mënyrë bujare dhe largpamëse, një trajtim të posaçëm për minoritetet.Janë 61 bashki që tani përbëjnë korpusin e qeverisjes vendore, por janë 58 të krijuara mbi kriteret e zonës funksionale dhe tre të tjera mbi një kriter të vetëm, përjashtues, që është vetëdija jona për të respektuar përgjithësisht lirinë e të drejtën e çdo shtetasi shqiptar të kombësie tjetër?, tha Rama.

Sipas tij, kjo Qeveri dhe mazhorancë kur të dalë dhe të japë llogari për mandatin e qeverisjes, nuk do të ketë asnjë mundësi për t?u fshehur apo justifikuar, pasi do të ketë ballë për ballë shqiptarët.

I pyetur sesi arriti të bindë ata që konsiderohen si deputetët rebelë brenda Grupit Parlamentar socialist, të cilët dy javë më parë bllokuan me mungesën e tyre në Kuvend miratimin e disa ligjeve që kërkonin shumicë të cilësuar votash, Rama tha se nuk ka bërë asnjë negocim me askënd, ndërsa shtoi se çdo deputet ka bërë detyrën e tij.

?Kjo është Abc e Abc,  por jo Abc e mënyrës si funksionon qeveria e PS. Nuk ka pasur asnjë negocim dhe të gjithë deputetët kanë bërë detyrën e tyre?, tha Rama.

Në lidhje me komentet në Facebook nga ish-Kryeministri Berisha, i cili e ka cilësuar reformën territoriale si elektorale, Rama tha se nuk e ndjek Berishën në Facebook.

?Nuk e ndjek sepse s?kam kohë për të humbur. Është kohë e humbur të merresh me të, populli e ka përcaktuar rolin e tij, si një nga miliardët që përdorin rrjetet sociale?, theksoi Rama.





Lajmet e fundit nga