E fundit!

20:41 Aktualitet

Me thirrjet kundër qeverisë/ Vijon protesta para Kryeministrisë

Vijon prej gati tre orësh protesta në bulevardin “Dëshmorë...

Projekt ligji për Policinë e Shtetit, debate ne Kuvend

31 Korrik 2014, 11:32, Politikë CNA

Ministri i Punëve të Brendshme Saimir Tahiri prezantoi në Kuvendin e Shqipërisë projektiligjin ?Për Policinë e Shtetit?. Duke iu përgjigjur interesit të deputetit të Lëvizjes Socialiste për Integrim, Luan Rama se përse janë hequr gradat e nëninspektorit dhe kryeinspektorit, Tahiri tha se ligji i ri ndryshon filozofinë e ngritjes në karrierë, e cila nuk lidhet më me postin, por me meritën.

Ministri i Brendshëm theksoi se ky ligj do të hedhë një hap të rëndësishëm në depolitizimin e Policisë. Sipas Tahirit, ligji përcakton qartë parimet e funksionimit dhe rekrutimet në polici.

?Ligji përcakton ngritjen e Byrosë Kombëtare të Hetimit, e cila është konceptuar për t?i dhënë një standard të ri luftës kundër korrupsionit dhe krimit të organizuar?, theskoi ai.

Deputeti socialist Pjerin Ndreu ftoi deputetët që të votojnë pr/ligjin për Policinë e Shtetit, pavarësisht rezervave që ka ndaj draftit të përgatitur. Sipas Ndreut, policët presin trajtim dinjitoz.

?Ka ardhur koha që policia të depolitizohet njëherë e mirë. Operacioni në Lazarat tregoi se policia i ka kapacitetet, specialistët e duhur por i mungonte vullneti politik. Me të ardhur vullneti politik suksesi ishte i padiskutueshëm. Ligji që vjen duhet të sjellë një marrim tjetër policor që të paktën ka 3 vjet. Personalisht mund të kem ndonjë rezervë të vogël, por ju ftoj ta votojmë pr/ligjin . Kriminaliteti është dinamik, ndryshon dhe ne natyrshëm që ligjin do ta përshtatim kohë pas kohe me ato që do ndodhin?, deklaroi Ndreu

Luan Rama: Është hequr grada nën inspektor dhe kryeinspektor dhe ka vetëm inspektor, sa është numri që do mbajnë këtë gradë? Cfarë ndodh me punonjësin e policisë kur mbaron afati në një gradë dhe nuk fiton dot një gradë tjetër?

Tahiri: Ky ligj nga njëra anë rikthen Policinë e Shtetit në shinat e meritokracisë dhe e përcakton karrierën jo si rrugë të shtrembër ku shpesh qokat, miqtë, nderet zënë më shumë vend se rezultatet, eficenca dhe përkushtimi në detyrë. Për këtë arsye në një sërë nenesh kemi përcaktuar si rekrutohesh në polici, duke nisur që me arsimin, kemi krijuar modelin e arsimit të lartë duke i bërë dalje mediokritetit. Në ligjin e mëparshëm s?ishin grada për të përcaktuar shkallën e meritës, por për të njëjtën punë mund të ndodhte që të kishte punonjës policie me grada të ndryshme. Në Drejtorinë e Policisë së Shtetit në një hotel ishin më shumë se 800 punonjës, një pjesë e mirë me grada të larta pavarësisht se bënin detyrën e një specialisti të thjeshtë. S?e të punosh aty jo detyrimisht duhet të kesh një gradë të lartë. Kemi ndryshuar filozofinë e ngritjes në karrierë, jo sipas postit po sipas meritës. S?është e thënë të kësh një gradë të lartë që të punosh në Drejtorinë e Policisë.

Luan Rama: Insistoj në pyetjet që bëra nuk mora përgjigje për dy pyetjet e tjera. Sa persona pas hyrjes në fuqi të ligjit do të jenë me gradën inspektor?

Tahiri: Rreth 6 mijë punonjës, që sot bëjnë të njëjtën detyrë dhe ndaj duhet të kenë të njëjtën gradë. Ligji i ri nuk parashikon afat qëndrimi në gradë, kështu që shqetësimi juaj, nuk qëndron në rastin e ligjit për Policinë e Shtetit, as ka qenë dhe as do të jetë.