E fundit!

11:55 Aktualitet

“Projekti “Smart City” me kosto të fryra”/ PD: Kërkohet hetim për 118 milionë dollarët e borxhit

Partia Demokratike ka denoncuar marrëveshjen e qeverisë pë...

OMONIA: Reforma territoriale ka tendenca shkeljesh të Konventave Ndërkombëtare

2 Gusht 2014, 08:09, Politikë CNA

OMONIA ka reaguar pas miratimit të ndarjes së re territoriale në parlament.

OMONIA thotë se me këtë ndarje janë shkelur të drejtat e minoritetit grek.

Për këtë arsye, OMONIA ka kërkuar nga PBDNJ daljen nga koalicioni qeveritar.

Ndërkohë, OMONIA ka sulmuar edhe kryeministrin Edi Rama, si nacionalist dhe totalitar.

?Kryesia e organizatës OMONIA e mbledhur sot në datën 1 Gusht 2014 me pjesëmarrjen e kryetarëve të Komunave të minoritetit grek diskutoi dhe shqyrtoi mbi situatën e krijuar pas votimit pa konsensus të Ligjit mbi Reformën Administrative Territoriale.

Kryesia e OMONIAS denoncon klimën jo demokratike që mbizotëroi gjatë diskutimit të Reformës në Parlament, si dhe prapaskenat e ditëve të fundit. Propozimi për kufijtë administrativë me gjithë amendamentet e përfshira në momentet e fundit, nuk plotësuan asnjë nga kërkesat e OMONIA-s për Himarën, Lukovën dhe fshatra të veçanta si Çuka. Në përgjithësi në zonat ku historikisht jeton minoriteti etnik grek në Shqipëri, ka tendenca shkeljesh të Konventave Ndërkombëtare, të cilat Republika e Shqipërisë i ka ratifikuar.

Në mënyrë të veçantë, është shqetësues fakti që atmosfera gjatë diskutimeve në Parlament ishte e tensionuar dhe larg standarteve europiane. Retorika e kryeministrit në veçanti zbuloi që Qeveria vazhdon të mbetet peng e praktikave të shkeljes së të drejtave të njeriut për minoritetet dhe karakterizohet nga mentaliteteve nacionaliste dhe totalitare të së kaluarës.

Kryesia e OMONIAS dhe të gjitha strukturat e saj do të vazhdojnë përpjekjet e tyre për informimin e faktorëve ndërkombëtare të të gjitha niveleve për këto zhvillime të disfavorshme për minoritetin etnik grek në Shqipëri.

Mbështet pa asnjë ekuivok qëndrimin e Z. Vangjel Dule, kryetarit të PBDNJ, gjatë diskutimit të projektligjit, si dhe përshëndet deputetin Vangjel Tavo për pozicionimin e tij. Njëkohësisht shpreh keqardhjen për qëndrimin e deputeteve të tjerë minoritarë.

Kryesia e OMONIAS rekomandon PBDNJ-në për ngrirjen e zyrtarizimit të dorëheqjeve të përfaqësuesve të saj në poste të larta qeveritare deri në mbledhjen e Këshillit të Përgjithshëm Drejtues të OMONIAS dhe PBDNJ, ku do të vendoset për të ardhmen e bashkëpunimit me koalicionin qeverisës?, thuhet në deklaratën e OMONIA-s.