E fundit!

10:18 Aktualitet

Atentati ndaj ish-prokurorit/ Dënohet me burgim të përjetshëm Plaurent Dervishaj

Gjykata e Posaçme ka dënuar me burgim të përjetshëm Plaure...

Haxhinasto: Kompanitë që kontraktohen nga Qeveria, nuk do të lejohen të shkelë afatet e projekteve

5 Gusht 2014, 09:03, Politikë CNA

?Asnjë kompani që do të kontraktohet nga Qeveria për ndërtimin e veprave publike, nuk do të lejohet të shkelë afatet e projekteve. Këto kompani do të monitorohen hap pas hapi deri në përfundim të kontratës?.

Kështu u shpreh ministri i Transportit dhe Infrastrukturës, Edmond Haxhinasto, duke shtuar se vendi trashegon rrugë të të amortizuara, punimet të nisura por të papërfunduar dhe projekte rrugesh që zgjasin deri në 8 apo 10 vjet.

?Është e vërtetë që ne trashëgojmë një numër të jashtëzakonshme kontratash të hapura, që janë planifikuar në një shtrirje të jashtëzakonshme gjithashtu për tu realizuar, disa prej tyra kalojnë dukshëm në 7-8 edhe 10 vite me vlerat të cilat ishin alokuar për këto kontrata dhe kemi detyrim për ti mbyllur por dhe garantuar lidhjen e tyre normale, organike me rrjetin e rrugëve të vendit dhe përfundimin sipas të gjithë standardeve të nevojshme, kam parasysh standardet e sigurisë dhe sinjalistikës.Jemi në fazën e miratimit të standardeve të rrugëve, ujësjellës-kanalizimeve dhe padyshim kompanitë që do performojnë në realizimin e kontratave në të ardhmen do jenë të detyruara të zbatojnë me rigorizitet këto standarde. I gjithë zinxhiri i subjekteve të angazhuara do të jetë në një monitorim shumë më rigoroz që nga faza e projektimit. Po kështu sa i takon shërbimeve të supervizionit dhe shërbimeve të zbatimit konkret të veprave do kemi monitorim dhe nuk e teproj aspak po të them që do kemi masa dhe penalitete shumë të rrepta për kompanitë që nuk performojnë sipas kontratave që ato fitojnë. Qofshin për projektuesit, supervizorët apo kompanitë që realizojnë investimet në një rrugë apo vepra të tjera publike. Do ketë një qasje shumë më rigoroze sa i takon cilësisë së investimit dhe të zbatimit të realizimit konkret të tij me qëllim që çdo lek i paguar nga taksapaguesit shqiptar të përdoret sic duhet , të qëndrojë, të jenë investime që zgjasin aq sa duhet, nuk janë vetëm kosto por dhe investime që sjellin impaktin e tyre qoftë ekonomik apo social?, tha Haxhinasto.

Sipas tij, gjithashtu ka një stategji të qartë për mirëmbajten e rrugëve, duke sqaruar se së shpejti do të tenderohet mirëmbjatja e Rrugës së Kombit.

?Ka pasur progres dhe në përgatitjen e disa veprave të reja publike, kam parasysh segmente rrugore, një kontratë koncensionare për mirëmbajtjen e Rrugës së Kombit që është në procesin e saj të përgatitjes përfundimtare dhe besoj që së shpejti do tenderohet. Është duke u realizuar një studim që përcakton segmenetet rrugore që mund të mirëmbahen me këtë lloj partneriteti, mund të kontraktohen, me qëllim që barra e madhe që ka shteti për të mirëmbajtur këto rrugë, e cila nuk është vetëm barrë financiare por dhe një barrë që vjen nga mungesa e efikasitetit të sistemit aktual që kemi për mirëmbajtjen e rrugëve me Drejtoritë rajonale, apo me Drejtoritë që janë pranë qarqeve. Kjo barrë të mund të lehtësojë buxhetin e shtetit që mund të riorientohet në vepra të tjera publike.Kemi një situatë të trashëguar që ka akumuluar difekte dhe deficenca sa i takon volumeve dhe % të investimit të nevojshme për mirëmbajtjen normale të rrugëve që ka bërë që amortizimi i rrugëve të jetë në një shkallë të lartë dhe që kërkesat për investime kapitale në këto rrugë të rriten në vazhdimësi. Ideja është që ne të futemi në një formulë normale ku investimet për mirëmbajtjen realizohen në mënyrë periodike dhe ruajnë investimin kapital?, tha Haxhinasto për Ora News.

Në vijim ai komentoi funksionimin e koalicionit qeveritar në vitin e parë të qeverisjes së vendit, ndërsa u shpreh se mazhoranca po funksionon si një ekip.

?Është një pyetje shumë e gjerë për t?iu përgjigjur shkurtimisht, por mendoj se mazhoranca po funksionon si një ekip me sinergjitë e veta, por dhe dallimet e veta që i shërbejnë përmirësimit , përsosjes dhe gjetjes së alternativës më të mirë për të ecur përpara. Dhe sigurisht që imponojnë një bazë konsensuale më të gjerë, duke e zgjeruar bazën e cila ofron ose krijon konsensusin në një spektër më të gjerë të politikës. Mendoj se 300 ditët e para të qeverisë kanë qenë me një bilanc tepër pozitiv dhe mendoj se gjithë puna përgaditore në këto 300 ditë, angazhimi për të sjellë në normalitet ka qenë shumë i madh në shumë sektorë të qeverisjes. Me realizimin e kesaj faze, riorientimin dhe kthimin në normalitet të shumë sektorëve mendoj se potencilai i 300 ditëve të dyta do jetë shumë më i madh dhe unë jam optimist që do kemi një ritëm edhe më të lartë që mund të evidentohet edhe në mënyrë statistikore. Por ajo që ka rëndësi është që besimi tek ekonomia të rritet, të rritet besimi tek qeverisja, tek drejtimi, qytetarët të ndjejnë ndryshimet?, theksoi ministri i Transporteve.