E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Gjirokaster, skandal me investimin ne kalldreme

7 Gusht 2014, 09:23, Politikë CNA

Partia Demokratike Gjirokaster nepermjet nje deklarate per mediat te kryetarit Roland Bejko, ka denoncuar investimin qe po behet per restaurimin e kalldremeve. Sipas Bejkos me keto investime po shkelet ligji dhe gjithcka eshte bere fakt ne mungese te nje transparence per keto investime

?Ne Gjirokastër ka filluar restaurimi i kalldrëmeve me Fonde nga Fondi
Shqiptar i Zhvillimit (FSHZH) e që menaxhohen nga Bashkia Gjirokastër.

Por zbatimi i ketyre projekteve eshte ne kundershtim me ligjin e trashëgimisë kulturore sepse :

1.Këto projekte duhet të hartoheshin e të
miratoheshin nga këshilli shkencor i IMK, (Instituti i Monumenteve të Kulturës) si
dhe nga Këshilli Kombetar i Restaurimeve pranë Ministrisë së Kulturës,ku kryetar eshte Ministri i Kulturës .

2. Firma që po kryen punimet nuk është e pajisur me leje restaurimi dhe për pasojë nuk ka të drejtë të restaurojë kalldrëmet dhe vepra të tjera, objekte të qytetit muze, pasuri botrore që mbrohet nga UNESCO.

3. Nuk ka transparencë, mungon tabela në hyrje të kantierit e cila duhet të na informojë se ;
a) sa është shuma e investuar për restaurimin e kalldrëmeve.
b) cila është koha e fillimit dhe e mbarimit të punimeve.
c) kush është supervizori i punimeve.

4. Përdoret elementi beton gjatë punimeve të rrugës. (shih fotot)

5. Përdoren mjete të rënda për shqepjen e kalldrëmit të vjetër.(shih fotot)

6. Guri i bardhë si element dekori po zëvendësohet nga guri i zi. (Paletat me gur të zi ishin gati, guri i bardhë që po hiqet nga kalldrëmi egzistues nuk dihet se ku po e çojnë )

Në këto kushte, Partia Demokratike Dega Gjirokastër kërkon:

A. Bashkia Gjirokastër,Ministria e Kulturës dhe IMK të marrin masat e menjëhershme për të plotësuar detyrimet e tyre ligjore kundrejt investimit në fjalë.

B. Ministria e Kulturës dhe IMK të verifikojnë dokumentacionin dhe kompetencën e firmës zbatuese të investimit, dhe në rast të inkompetencës restauruese ta ndalojnë atë të vazhdojë punimet.

C. Ndaj shkeljeve të konstatuara të meren masat e duhura ligjore për personat përgjegjës.

PD Dega Gjirokastër është PRO investimeve të tilla të rëndësishme dhe jetike për restaurimet e rrugëve, shtëpive dhe veprave të tjera të qytetit muze, por është KUNDËR shkeljes së ligjit, është KUNDËR betonizimit pa kriter, është KUNDËR korrupsionit dhe politikave nepotike në ndarjen e investimeve në qytetin e UNESCO-s.

Në rast të mos reagimit nga institucionet përgjegjëse, PD do kërkojë nisjen e hetimit nga organet kopetente për shkelje të ligjit dhe korrupsion ?, thekson deklarata qe mban firmen e kreut te PD Gjirokaster Roland Bejko.