E fundit!

16:15 Aktualitet

Zaha Hadid Architects dhe Agi Kons prezantojnë "The Nest" dhe "The Cascades of Tirana" në Kodra e Diellit

Në zemër të Kodrës së Diellit, një prej zonave me zhvillim...

Basha: Regjistrimi i IMEI, kërcënimi më i hapur ndaj lirisë së shqiptarëve në këto 23 vite

6 Gusht 2014, 10:18, Politikë CNA

Kryetari i PD, Lulzim Basha mori pjesë në kuvendet zgjedhore të degëve 12, 14 dhe 15.

Një akt të paprecedentë në këto 23 vite dhe kërcënimin më të madh që i bëhet lirisë së shqiptarëve e konsideroi kryetari i PD Lulzim Basha, vendimin e qeverisë për të marrë të dhënat personale të çdo abonenti të telefonisë celulare. Z. Basha u ka bërë thirrje qytetarëve shqiptarë të refuzojnë këtë përpjekje ogurzezë të Edi Ramës, për të përgjuar dhe shantazhuar çdo qytetar shqiptar. Oferta e Ramës, tha z. Basha është kërcëno, mashtro, vidh, siç po e dëshmon çdo ditë, siç e faktoi dhe në marrëveshjen me CEZ-in.

?Duan të përgjojnë kë të duan, pa dhënë hesap askund. Në prill, Gjykata Europiane mori një vendim dhe u tha kompanive celulare: ju do të dënoheni, edhe po i ruajtët këto të dhëna e jo më t?ju shkojë në mëndje t?ua jepni qeverive, ndërsa qeveria këtu u thotë kompanive se do t?ju dënoj po nuk m?i dhatë, u thotë qytetarëve do t?ju gjobis po nuk m?i dhatë të dhënat personale. Ky është kërcënimi më i hapur ndaj lirisë së shqiptarëve në këto 23 vite. Po e bën një njeri i cili ka sjellë deri në parlament krimin dhe kriminelët. Po 3 miliardë dollarët që i falën CEZ-it, nga do dalin? – Nga kontot bankare të Edi Ramës dhe Ilir Metës?! ? Aspak! Do të dalin nga xhepat e shqiptarëve, po dalin nga xhepat e shqiptarëve . Faturat janë rritur kudo e do të vazhdojnë të rriten. Kjo është oferta e tyre. Këtej vidh, andej mashtro dhe këtej kërcëno? ? deklaroi kreu i PD.

Kryetari i PD theksoi se rilindja e së keqes po trondit çdo familje shqiptare. Rasti më i fundit është ai i mbylljes së filialeve të universiteteve publike dhe universiteteve private, në mungesë të plotë transparence dhe pa asnjë paralajmërim. Në themel të këtij vendimi, tha z. Basha qëndron korrupsioni dhe klientelizmi.

?Rezultatet e kontrollit ministror që kishte urdhëruar dolën njësoj siç donte sundimtari. Arsimin mori përsipër ta reformonte vetëm një njeri që nuk e duron dot shkollën, siç është kryeministri ynë. Si në kohën e revolucionit kulturor kinez, kanë vënë gomerët para kuajve, më të pa kualifikuarit janë vënë të gjykojnë të kualifikuarit. Në momentin që arsimi kombëtar priste përkrahjen politike, mbështetje financiare, mbështetje të gjithanshme, vjen dora e dhunshme e paaftësisë, e hakmarrjes, e injorancës. Ky është një projekt diabolik dhe në themel ka korrupsionin dhe klientelizmin, prandaj nuk duhet lënë të ketë sukses. Rilindja e së keqes po trondit çdo familje shqiptare? ? theksoi z. Basha.