E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Banka e Shqiperisë, jane vjedhur mbi 10 milion dollarë. Të gjithë drejtuesit nën hetim

27 Korrik 2014, 07:47, Aktualitet CNA

E perditshmja “Panorama”, sjell nje informacion me te plote nga hetimet qe po zhvillon Prokuroria mbi vjedhjen e miliona dollareve nga Thesari i Bankes. Sa më shumë ditë kalojnë nga zbulimi i vjedhjes në Thesarin e Shtetit, aq më shumë shtohet vlera e parave që mungojnë në arkat e kasafortat e Bankës së Shqipërisë.
Veprimet hetimore që po kryhen që prej ditës së hënë, flasim për një shumë marramendëse parash të vjedhura, që shkon në dhjetëra milionë dollarë. Burime nga organi i akuzës thanë se është zgjeruar rrethi i personave që janë marrë në hetim dhe tashmë nuk po verifikohen vetëm veprimet e dy të arrestuarve, Ardian Bitraj e Mimoza Bruzia. Hetimit nuk do t?i shpëtojë i gjithë zinxhiri drejtues i Bankës së Shqipërisë, duke përfshirë edhe vetë guvernatorin, Ardian Fullani. Ndërsa bëhet e ditur se është marrë në pyetje Drejtori i Thesarit ku ndodhi vjedhja spektakolare, Dorian Çollaku, i cili është emëruar në këtë detyrë në vitin 2011. Burimet thanë se Çollaku ka pasur detyrën kryesore për të kontrolluar jo vetëm veprimet e dy të arrestuarve, por të të gjithë specialistëve në Departamentin e Emisionit. Në deklarimet e tij, Dorian Çollaku ka mohuar të ketë pasur dijeni për vjedhjen e ndodhur në Thesarin e Shtetit e aq më pak të jetë i implikuar në këtë ngjarje. Burimet shtuan se minimalisht Çollaku dyshohet për mosveprim, pasi në deklarimet e tij, përgjegjësi i arrestuar, Ardian Bitraj, është shprehur se vjedhjen e ka kryer edhe nga paaftësia e shefit të tij të ri. Periudha kohore, 4-vjeçare, kur rezulton të jetë kryer vjedhja, përkon me kohën kur është emëruar në këtë detyrë Dorian Çollaku, i cili mendohet se ka lidhje të afërta me guvernatorin Fullani. Çollaku u përmend edhe në deklarimet e të arrestuarit Ardian Bitraj, i cili pohoi se falë paaftësisë së shefit të tij të ri, e kishte pasur më të lehtë të kryente vjedhjen.