web counter
LEXO PA REKLAMA!

SHKARKO APP

App Store
Google Play

E fundit!

x

Financial Times: BE do e japë statusin në fund të muajit. Ja ç’mendojnë diplomatët për qeverinë e Ramës

3 Qershor 2014, 22:00, Aktualitet CNA

Gazeta e njohur, Financial Times, raporton se Bashkimi Europian pritet që të miratojë marrjen e statusit nga Shqipëria në fund të këtij muaji.

Në një shkrim të dy gazetarëve, Christian Oliver në Bruksel dhe Kerin Hope në Athinë, theksohet se ?diplomatët thonë se 28 shtetet anëtare të BE do e miratojnë statusin e kandidatit në një takim në fund të muajit?.

Komisioni Europian e ka rekomanduar marrjen e statusit, por tani pritet se cili do jetë qëndrimi politik i BE.

?BE është e gatshme që të pranojë Shqipërinë si kandidat për anëtarësim, në një lëvizje që ka të ngjarë të armiqësojë akoma më shumë partitë populiste anti- BE, që fituan ndjeshëm në zgjedhjet e fundit.

Lëvizja për të përfshirë në union shtetin e varfër, kryesisht mysliman, është shumë përçarëse, sidomos sa i përket frikës rreth emigracionit dhe krimit të organizuar,? shkruan Financial Times.

Në shkrim thuhet se partia euroskeptike britanike, UKIP, e ka quajtur një çmenduri absolute dhënien e statusit për Shqipërinë.

Zyrtarët e BE thonë për Financial Times se Britania, Gjermania dhe Holanda e kanë zbutur qëndrimin e tyre ndaj Shqipërisë.

Por ata thonë se rruga e Shqipërisë drejt anëtarësimit do jetë e gjatë dhe e vështirë, pasi nuk pritet të ketë anëtarësim tjetër në BE përpara vitit 2021.

Në shkrim citohet një diplomat perëndimor në Tiranë, që thotë se qeveria e socialistëve, e kryesuar nga Edi Rama, ka bërë njëfarë progresi në luftën ndaj korrupsionit dhe reformimit të administratës publike, por duhet bërë akoma më shumë.

?Legjislacioni është aty, si fjala bie ligji anti- mafia, por duhte implementuar në mënyrë efektive, si dhe duhet adresuar problemi i korrupsionit në drejtësi,? tha zyrtari.

Gazeta Tema





Lajmet e fundit nga