web counter
LEXO PA REKLAMA!

SHKARKO APP

App Store
Google Play

Gjiknuri viziton Azerbajxhanin, ndërsa Total dhe E.ON tërhiqen nga gazsjellësi TAP

3 Qershor 2014, 22:00, Aktualitet CNA

Ministri i Energjisë dhe Industrisë, Damian Gjiknuri po zhvillon një vizitë në Azerbajxhan. Ai mori pjesë në punimet e një konferencë për gazin ku pati rastin të takohet me aktorë shumë të rëndësishëm politikë e të biznesit në fushën e naftës dhe gazit.

Gjiknuri ishte gjithashtu i pranishëm edhe në Ekspo Caspian Gas and Oil 2014. Në ditën e parë të qëndrimit në Baku, Ministri Gjiknuri u prit në një takim nga Ministri i Energjisë dhe Industrisë së Republikës së Azerbaxhanit, Natig Aliyev.

Në fokus të takimit ishte finalizimi i Memorandumit të Mirëkuptimit ndërmjet Republikës së Shqipërisë dhe asaj të Azerbaxhanit për bashkëpunimin në zhvillimin e Master Planit të Gazifikimit të Shqipërisë.

Ministri Gjiknuri bëri një ekspoze të angazhimit të plotë të qeverisë shqiptare për lehtësimin e zbatimit të projektit TAP në territorin e Shqipërisë, duke theksuar miratimin e Lejes Zhvillimore Komplekse, si dhe procesimin me Komisionin e Ndihmës Shtetërore për marrjen e Autorizimit të TAP.

Ministri Gjiknuri u shpreh për nevojën e bashkëpunimit edhe për vënien në punë të Termocentralit të Vlorës duke shfrytëzuar infrastrukturën potenciale lidhëse të projektit TAP.

Ministri azer Aliyev u deklarua optimist për bashkëpunimin e ngushtë me Shqipërinë, në sektorin e gazit. Megjithatë, mediat ekonomike botërore po shkruajnë këto ditë për lajmin se dy gjigandët europianë, Total dhe E.ON do tërhiqen nga gazsjellësi TAP.

Kompania franceze Total dhe ajo gjermane, E.ON, janë aksionerë në këtë projekt. Total kishte 10 përqind të aksioneve, kurse E.ON kishte 9 përqind. Aksionerët më të mëdhenj të TAP janë BP me 20 përqind, kompania shtetërore e energjisë në Azerbajxhan, SOCAR, me 20 përqind, Statoil me 20 përqind, Fluxys me 16 përqind dhe Axpo me 5 përqind. Në këto kushte, SOCAR po shqyrton mundësinë që të shtojë aksionet në këtë gazsjellës. Punimet për të nuk kanë nisur ende.

Gazeta Tema





Lajmet e fundit nga